| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
3. මිත්‌තසුත්‌තවණ්‌ණනා
3. Mittasuttavaṇṇanā
53. සහ අත්‌ථෙන වත්‌තතීති සත්‌ථො, භණ්‌ඩමූලං ගහෙත්‌වා වාණිජ්‌ජවසෙන දෙසන්‌තරාදීසු විචරණකජනසමූහො. තෙනාහ ‘‘සද්‌ධිංචරො’’ති, සහචරණකොති අත්‌ථො. මිත්‌තන්‌ති සිනෙහයොගෙන මිත්‌තකිච්‌චයුත්‌තං . ඉධාධිප්‌පෙතප්‌පකාරං දස්‌සෙතුං ‘‘රොගෙ උප්‌පන්‌නෙ’’තිආදි වුත්‌තං. තථාරූපෙති ජිගුච්‌ඡනීයෙ, දුත්‌තිකිච්‌ඡෙ වා. යථා අසණ්‌ඨිතානං සණ්‌ඨාපනවසෙන පවසතො පුරිසස්‌ස භොගබ්‍යසනෙ නාථතා, එවං පුත්‌තසිනෙහවසෙන පුත්‌තස්‌ස මාතුයා අන්‌තොගෙහෙ නාථතාති වුත්‌තං ‘‘මාතා මිත්‌තං සකෙ ඝරෙ’’ති. අත්‌ථජාතස්‌සාති උපට්‌ඨිතපයොජනස්‌සාති අත්‌ථොති ආහ ‘‘උප්‌පන්‌නකිච්‌චස්‌සා’’ති. සම්‌පරායහිතන්‌ති සම්‌පරායෙ හිතාවහං.
53. Saha atthena vattatīti sattho, bhaṇḍamūlaṃ gahetvā vāṇijjavasena desantarādīsu vicaraṇakajanasamūho. Tenāha ‘‘saddhiṃcaro’’ti, sahacaraṇakoti attho. Mittanti sinehayogena mittakiccayuttaṃ . Idhādhippetappakāraṃ dassetuṃ ‘‘roge uppanne’’tiādi vuttaṃ. Tathārūpeti jigucchanīye, duttikicche vā. Yathā asaṇṭhitānaṃ saṇṭhāpanavasena pavasato purisassa bhogabyasane nāthatā, evaṃ puttasinehavasena puttassa mātuyā antogehe nāthatāti vuttaṃ ‘‘mātā mittaṃ sake ghare’’ti. Atthajātassāti upaṭṭhitapayojanassāti atthoti āha ‘‘uppannakiccassā’’ti. Samparāyahitanti samparāye hitāvahaṃ.
මිත්‌තසුත්‌තවණ්‌ණනා නිට්‌ඨිතා.
Mittasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 3. මිත්‌තසුත්‌තං • 3. Mittasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 3. මිත්‌තසුත්‌තවණ්‌ණනා • 3. Mittasuttavaṇṇanā
