| Library / Tipiṭaka / තිපිටක • Tipiṭaka / ඉතිවුත්‌තකපාළි • Itivuttakapāḷi |
10. පදුට්‌ඨචිත්‌තසුත්‌තං
10. Paduṭṭhacittasuttaṃ
20. වුත්‌තඤ්‌හෙතං භගවතා, වුත්‌තමරහතාති මෙ සුතං –
20. Vuttañhetaṃ bhagavatā, vuttamarahatāti me sutaṃ –
‘‘ඉධාහං, භික්‌ඛවෙ, එකච්‌චං පුග්‌ගලං පදුට්‌ඨචිත්‌තං එවං චෙතසා චෙතො පරිච්‌ච පජානාමි – ‘ඉමම්‌හි චායං සමයෙ පුග්‌ගලො කාලඞ්‌කරෙය්‍ය යථාභතං නික්‌ඛිත්‌තො එවං නිරයෙ’. තං කිස්‌ස හෙතු? චිත්‌තං හිස්‌ස, භික්‌ඛවෙ, පදුට්‌ඨං. චෙතොපදොසහෙතු ඛො පන, භික්‌ඛවෙ, එවමිධෙකච්‌චෙ සත්‌තා කායස්‌ස භෙදා පරං මරණා අපායං දුග්‌ගතිං විනිපාතං නිරයං උපපජ්‌ජන්‌තී’’ති. එතමත්‌ථං භගවා අවොච. තත්‌ථෙතං ඉති වුච්‌චති –
‘‘Idhāhaṃ, bhikkhave, ekaccaṃ puggalaṃ paduṭṭhacittaṃ evaṃ cetasā ceto paricca pajānāmi – ‘imamhi cāyaṃ samaye puggalo kālaṅkareyya yathābhataṃ nikkhitto evaṃ niraye’. Taṃ kissa hetu? Cittaṃ hissa, bhikkhave, paduṭṭhaṃ. Cetopadosahetu kho pana, bhikkhave, evamidhekacce sattā kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjantī’’ti. Etamatthaṃ bhagavā avoca. Tatthetaṃ iti vuccati –
‘‘පදුට්‌ඨචිත්‌තං ඤත්‌වාන, එකච්‌චං ඉධ පුග්‌ගලං;
‘‘Paduṭṭhacittaṃ ñatvāna, ekaccaṃ idha puggalaṃ;
එතමත්‌ථඤ්‌ච බ්‍යාකාසි, බුද්‌ධො භික්‌ඛූන සන්‌තිකෙ.
Etamatthañca byākāsi, buddho bhikkhūna santike.
‘‘ඉමම්‌හි චායං සමයෙ, කාලං කයිරාථ පුග්‌ගලො;
‘‘Imamhi cāyaṃ samaye, kālaṃ kayirātha puggalo;
නිරයං උපපජ්‌ජෙය්‍ය, චිත්‌තං හිස්‌ස පදූසිතං.
Nirayaṃ upapajjeyya, cittaṃ hissa padūsitaṃ.
‘‘යථා හරිත්‌වා නික්‌ඛිපෙය්‍ය, එවමෙව තථාවිධො;
‘‘Yathā haritvā nikkhipeyya, evameva tathāvidho;
චෙතොපදොසහෙතු හි, සත්‌තා ගච්‌ඡන්‌ති දුග්‌ගති’’න්‌ති.
Cetopadosahetu hi, sattā gacchanti duggati’’nti.
අයම්‌පි අත්‌ථො වුත්‌තො භගවතා, ඉති මෙ සුතන්‌ති. දසමං.
Ayampi attho vutto bhagavatā, iti me sutanti. Dasamaṃ.
දුතියො වග්‌ගො නිට්‌ඨිතො.
Dutiyo vaggo niṭṭhito.
තස්‌සුද්‌දානං –
Tassuddānaṃ –
මොහො කොධො අථ මක්‌ඛො, විජ්‌ජා තණ්‌හා සෙඛදුවෙ ච;
Moho kodho atha makkho, vijjā taṇhā sekhaduve ca;
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / ඉතිවුත්‌තක-අට්‌ඨකථා • Itivuttaka-aṭṭhakathā / 10. පදුට්‌ඨචිත්‌තසුත්‌තවණ්‌ණනා • 10. Paduṭṭhacittasuttavaṇṇanā
