| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
10. පජ්‌ජොතසුත්‌තවණ්‌ණනා
10. Pajjotasuttavaṇṇanā
80. දසමෙ පජ්‌ජොතොති පදීපො විය හොති. ජාගරොති ජාගරබ්‍රාහ්‌මණො විය හොති. ගාවො කම්‌මෙ සජීවානන්‌ති කම්‌මෙන සහ ජීවන්‌තානං ගාවොව කම්‌මෙ කම්‌මසහායා කම්‌මදුතියකා නාම හොන්‌ති. ගොමණ්‌ඩලෙහි සද්‌ධිං කසිකම්‌මාදීනි නිප්‌ඵජ්‌ජන්‌ති. සීතස්‌ස ඉරියාපථොති සීතං අස්‌ස සත්‌තකායස්‌ස ඉරියාපථො ජීවිතවුත්‌ති. සීතන්‌ති නඞ්‌ගලං. යස්‌ස හි නඞ්‌ගලෙහි ඛෙත්‌තං අප්‌පමත්‌තකම්‌පි කට්‌ඨං න හොති, සො කථං ජීවිස්‌සතීති වදති. දසමං.
80. Dasame pajjototi padīpo viya hoti. Jāgaroti jāgarabrāhmaṇo viya hoti. Gāvo kamme sajīvānanti kammena saha jīvantānaṃ gāvova kamme kammasahāyā kammadutiyakā nāma honti. Gomaṇḍalehi saddhiṃ kasikammādīni nipphajjanti. Sītassa iriyāpathoti sītaṃ assa sattakāyassa iriyāpatho jīvitavutti. Sītanti naṅgalaṃ. Yassa hi naṅgalehi khettaṃ appamattakampi kaṭṭhaṃ na hoti, so kathaṃ jīvissatīti vadati. Dasamaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 10. පජ්‌ජොතසුත්‌තං • 10. Pajjotasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 10. පජ්‌ජොතසුත්‌තවණ්‌ණනා • 10. Pajjotasuttavaṇṇanā
