| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
7. පඤ්‌චාලචණ්‌ඩසුත්‌තවණ්‌ණනා
7. Pañcālacaṇḍasuttavaṇṇanā
88. සත්‌තමෙ සම්‌බාධෙති නීවරණසම්‌බාධං කාමගුණසම්‌බාධන්‌ති ද්‌වෙ සම්‌බාධා. තෙසු ඉධ නීවරණසම්‌බාධං අධිප්‌පෙතං. ඔකාසන්‌ති ඣානස්‌සෙතං නාමං. පටිලීනනිසභොති පටිලීනසෙට්‌ඨො. පටිලීනො නාම පහීනමානො වුච්‌චති. යථාහ – ‘‘කථඤ්‌ච, භික්‌ඛවෙ, භික්‌ඛු පටිලීනො හොති . ඉධ, භික්‌ඛවෙ, භික්‌ඛුනො අස්‌මිමානො පහීනො හොති උච්‌ඡින්‌නමූලො තාලාවත්‌ථුකතො අනභාවංකතො ආයතිං අනුප්‌පාදධම්‌මො’’ති (අ. නි. 4.38; මහානි. 87). පච්‌චලත්‌ථංසූති පටිලභිංසු. සම්‌මා තෙති යෙ නිබ්‌බානපත්‌තියා සතිං පටිලභිංසු, තෙ ලොකුත්‌තරසමාධිනාපි සුසමාහිතාති මිස්‌සකජ්‌ඣානං කථිතං. සත්‌තමං.
88. Sattame sambādheti nīvaraṇasambādhaṃ kāmaguṇasambādhanti dve sambādhā. Tesu idha nīvaraṇasambādhaṃ adhippetaṃ. Okāsanti jhānassetaṃ nāmaṃ. Paṭilīnanisabhoti paṭilīnaseṭṭho. Paṭilīno nāma pahīnamāno vuccati. Yathāha – ‘‘kathañca, bhikkhave, bhikkhu paṭilīno hoti . Idha, bhikkhave, bhikkhuno asmimāno pahīno hoti ucchinnamūlo tālāvatthukato anabhāvaṃkato āyatiṃ anuppādadhammo’’ti (a. ni. 4.38; mahāni. 87). Paccalatthaṃsūti paṭilabhiṃsu. Sammā teti ye nibbānapattiyā satiṃ paṭilabhiṃsu, te lokuttarasamādhināpi susamāhitāti missakajjhānaṃ kathitaṃ. Sattamaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 7. පඤ්‌චාලචණ්‌ඩසුත්‌තං • 7. Pañcālacaṇḍasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 7. පඤ්‌චාලචණ්‌ඩසුත්‌තවණ්‌ණනා • 7. Pañcālacaṇḍasuttavaṇṇanā
