Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၄. ပရိညေယ္ယသုတ္တံ
4. Pariññeyyasuttaṃ
၁၀၆. သာဝတ္ထိနိဒာနံ။ ‘‘ပရိညေယ္ယေ စ, ဘိက္ခဝေ, ဓမ္မေ ဒေသေသ္သာမိ ပရိညဉ္စ ပရိညာတာဝိဉ္စ ပုဂ္ဂလံ။ တံ သုဏာထ။ ကတမေ စ, ဘိက္ခဝေ, ပရိညေယ္ယာ ဓမ္မာ? ရူပံ, ဘိက္ခဝေ, ပရိညေယ္ယော ဓမ္မော။ ဝေဒနာ။ပေ.။ သညာ။ သင္ခာရာ။ ဝိညာဏံ ပရိညေယ္ယော ဓမ္မော။ ဣမေ ဝုစ္စန္တိ, ဘိက္ခဝေ, ပရိညေယ္ယာ ဓမ္မာ။ ကတမာ စ, ဘိက္ခဝေ, ပရိညာ? ရာဂက္ခယော, ဒောသက္ခယော, မောဟက္ခယော – အယံ ဝုစ္စတိ, ဘိက္ခဝေ, ပရိညာ။ ကတမော စ, ဘိက္ခဝေ, ပရိညာတာဝီ ပုဂ္ဂလော? အရဟာတိသ္သ ဝစနီယံ။ ယ္ဝာယံ အာယသ္မာ ဧဝံနာမော ဧဝံဂောတ္တော – အယံ ဝုစ္စတိ, ဘိက္ခဝေ, ပရိညာတာဝီ ပုဂ္ဂလော’’တိ။ စတုတ္ထံ။
106. Sāvatthinidānaṃ. ‘‘Pariññeyye ca, bhikkhave, dhamme desessāmi pariññañca pariññātāviñca puggalaṃ. Taṃ suṇātha. Katame ca, bhikkhave, pariññeyyā dhammā? Rūpaṃ, bhikkhave, pariññeyyo dhammo. Vedanā…pe… saññā… saṅkhārā… viññāṇaṃ pariññeyyo dhammo. Ime vuccanti, bhikkhave, pariññeyyā dhammā. Katamā ca, bhikkhave, pariññā? Rāgakkhayo, dosakkhayo, mohakkhayo – ayaṃ vuccati, bhikkhave, pariññā. Katamo ca, bhikkhave, pariññātāvī puggalo? Arahātissa vacanīyaṃ. Yvāyaṃ āyasmā evaṃnāmo evaṃgotto – ayaṃ vuccati, bhikkhave, pariññātāvī puggalo’’ti. Catutthaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၄. ပရိညေယ္ယသုတ္တဝဏ္ဏနာ • 4. Pariññeyyasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၄. ပရိညေယ္ယသုတ္တဝဏ္ဏနာ • 4. Pariññeyyasuttavaṇṇanā