| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
(၂၂) ၂. ပရိသာဝဂ္ဂော
(22) 2. Parisāvaggo
၁. ပရိသာသုတ္တံ
1. Parisāsuttaṃ
၂၁၁. ‘‘စတ္တာရောမေ , ဘိက္ခဝေ, ပရိသဒူသနာ။ ကတမေ စတ္တာရော? ဘိက္ခု, ဘိက္ခဝေ 1, ဒုသ္သီလော ပာပဓမ္မော ပရိသဒူသနော; ဘိက္ခုနီ, ဘိက္ခဝေ, ဒုသ္သီလာ ပာပဓမ္မာ ပရိသဒူသနာ; ဥပာသကော, ဘိက္ခဝေ, ဒုသ္သီလော ပာပဓမ္မော ပရိသဒူသနော; ဥပာသိကာ, ဘိက္ခဝေ, ဒုသ္သီလာ ပာပဓမ္မာ ပရိသဒူသနာ။ ဣမေ ခော, ဘိက္ခဝေ, စတ္တာရော ပရိသဒူသနာ။
211. ‘‘Cattārome , bhikkhave, parisadūsanā. Katame cattāro? Bhikkhu, bhikkhave 2, dussīlo pāpadhammo parisadūsano; bhikkhunī, bhikkhave, dussīlā pāpadhammā parisadūsanā; upāsako, bhikkhave, dussīlo pāpadhammo parisadūsano; upāsikā, bhikkhave, dussīlā pāpadhammā parisadūsanā. Ime kho, bhikkhave, cattāro parisadūsanā.
‘‘စတ္တာရောမေ, ဘိက္ခဝေ, ပရိသသောဘနာ။ ကတမေ စတ္တာရော? ဘိက္ခု, ဘိက္ခဝေ, သီလဝာ ကလ္ယာဏဓမ္မော ပရိသသောဘနော ; ဘိက္ခုနီ, ဘိက္ခဝေ, သီလဝတီ ကလ္ယာဏဓမ္မာ ပရိသသောဘနာ; ဥပာသကော, ဘိက္ခဝေ, သီလဝာ ကလ္ယာဏဓမ္မော ပရိသသောဘနော; ဥပာသိကာ, ဘိက္ခဝေ, သီလဝတီ ကလ္ယာဏဓမ္မာ ပရိသသောဘနာ။ ဣမေ ခော, ဘိက္ခဝေ, စတ္တာရော ပရိသသောဘနာ’’တိ။ ပဌမံ။
‘‘Cattārome, bhikkhave, parisasobhanā. Katame cattāro? Bhikkhu, bhikkhave, sīlavā kalyāṇadhammo parisasobhano ; bhikkhunī, bhikkhave, sīlavatī kalyāṇadhammā parisasobhanā; upāsako, bhikkhave, sīlavā kalyāṇadhammo parisasobhano; upāsikā, bhikkhave, sīlavatī kalyāṇadhammā parisasobhanā. Ime kho, bhikkhave, cattāro parisasobhanā’’ti. Paṭhamaṃ.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၁. ပရိသာသုတ္တဝဏ္ဏနာ • 1. Parisāsuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၁၀. သိက္ခာပဒသုတ္တာဒိဝဏ္ဏနာ • 1-10. Sikkhāpadasuttādivaṇṇanā
