၁-၁၀. သိက္ခာပဒသုတ္တာဒိဝဏ္ဏနာ

1-10. Sikkhāpadasuttādivaṇṇanā

၂၀၁-၂၁၀. ပဉ္စမသ္သ ပဌမေ အသပ္ပုရိသောတိ လာမကပုရိသော။ ပာဏံ အတိပာတေတီတိ ပာဏာတိပာတီ။ အဒိန္နံ အာဒိယတီတိ အဒိန္နာဒာယီ။ ကာမေသု မိစ္ဆာ စရတီတိ ကာမေသုမိစ္ဆာစာရီ။ မုသာ ဝဒတီတိ မုသာဝာဒီ။ သုရာမေရယမဇ္ဇပမာဒေ တိဋ္ဌတီတိ သုရာမေရယမဇ္ဇပမာဒဋ္ဌာယီ။ ပာဏာတိပာတေ သမာဒပေတီတိ ယထာ ပာဏံ အတိပာတေတိ, တထာ နံ တတ္ထ ဂဟဏံ ဂဏ္ဟာပေတိ။ သေသေသုပိ ဧသေဝ နယော။ အယံ ဝုစ္စတီတိ အယံ ဧဝရူပော ပုဂ္ဂလော ယသ္မာ သယံကတေန စ ဒုသ္သီလ္ယေန သမန္နာဂတော, ယဉ္စ သမာဒပိတေန ကတံ, တတော ဥပဍ္ဎသ္သ ဒာယာဒော, တသ္မာ ‘‘အသပ္ပုရိသေန အသပ္ပုရိသတရော’’တိ ဝုစ္စတိ။ သပ္ပုရိသောတိ ဥတ္တမပုရိသော။ သပ္ပုရိသေန သပ္ပုရိသတရောတိ အတ္တနာ စ ကတေန သုသီလ္ယေန သမန္နာဂတတ္တာ ယဉ္စ သမာဒပိတော ကရောတိ, တတော ဥပဍ္ဎသ္သ ဒာယာဒတ္တာ ဥတ္တမပုရိသေန ဥတ္တမပုရိသတရော။ ဧတ္ထ စ ပရေန ကတံ ဒုသ္သီလ္ယံ သုသီလ္ယံ ဝာ အာဏတ္တိယာ အတ္တနာ စ ဝစိပ္ပယောဂေန ကတန္တိ အာဏာပနဝသေန ပသုတပာပသ္သ ပုညသ္သ ဝာ ဒာယာဒော ‘‘တတော ဥပဍ္ဎသ္သ ဒာယာဒော’’တိ ဝုတ္တော။ ဒုတိယာဒီနိ ဥတ္တာနတ္ထာနေဝ။

201-210. Pañcamassa paṭhame asappurisoti lāmakapuriso. Pāṇaṃ atipātetīti pāṇātipātī. Adinnaṃ ādiyatīti adinnādāyī. Kāmesu micchā caratīti kāmesumicchācārī. Musā vadatīti musāvādī. Surāmerayamajjapamāde tiṭṭhatīti surāmerayamajjapamādaṭṭhāyī. Pāṇātipāte samādapetīti yathā pāṇaṃ atipāteti, tathā naṃ tattha gahaṇaṃ gaṇhāpeti. Sesesupi eseva nayo. Ayaṃ vuccatīti ayaṃ evarūpo puggalo yasmā sayaṃkatena ca dussīlyena samannāgato, yañca samādapitena kataṃ, tato upaḍḍhassa dāyādo, tasmā ‘‘asappurisena asappurisataro’’ti vuccati. Sappurisoti uttamapuriso. Sappurisena sappurisataroti attanā ca katena susīlyena samannāgatattā yañca samādapito karoti, tato upaḍḍhassa dāyādattā uttamapurisena uttamapurisataro. Ettha ca parena kataṃ dussīlyaṃ susīlyaṃ vā āṇattiyā attanā ca vacippayogena katanti āṇāpanavasena pasutapāpassa puññassa vā dāyādo ‘‘tato upaḍḍhassa dāyādo’’ti vutto. Dutiyādīni uttānatthāneva.

သိက္ခာပဒသုတ္တာဒိဝဏ္ဏနာ နိဋ္ဌိတာ။

Sikkhāpadasuttādivaṇṇanā niṭṭhitā.

သပ္ပုရိသဝဂ္ဂဝဏ္ဏနာ နိဋ္ဌိတာ။

Sappurisavaggavaṇṇanā niṭṭhitā.

၂၁၁-၂၂၀. ဒုတိယော ပရိသာဝဂ္ဂော ဥတ္တာနတ္ထောယေဝ။

211-220. Dutiyo parisāvaggo uttānatthoyeva.

Next: (၂၃) ၃. ဒုစ္စရိတဝဂ္ဂဝဏ္ဏနာ • (23) 3. Duccaritavaggavaṇṇanā

အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā)
၁-၆. သိက္ခာပဒသုတ္တဝဏ္ဏနာ • 1-6. Sikkhāpadasuttavaṇṇanā
၇-၁၀. ပာပဓမ္မသုတ္တစတုက္ကဝဏ္ဏနာ • 7-10. Pāpadhammasuttacatukkavaṇṇanā
၁. ပရိသာသုတ္တဝဏ္ဏနာ • 1. Parisāsuttavaṇṇanā
၂. ဒိဋ္ဌိသုတ္တဝဏ္ဏနာ • 2. Diṭṭhisuttavaṇṇanā
၃. အကတညုတာသုတ္တဝဏ္ဏနာ • 3. Akataññutāsuttavaṇṇanā
၄-၇. ပာဏာတိပာတီသုတ္တာဒိဝဏ္ဏနာ • 4-7. Pāṇātipātīsuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact