| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၃. ပဉ္စင္ဂိကဝဂ္ဂော
3. Pañcaṅgikavaggo
၁. ပဌမအဂာရဝသုတ္တဝဏ္ဏနာ
1. Paṭhamaagāravasuttavaṇṇanā
၂၁. တတိယသ္သ ပဌမေ အသဘာဂဝုတ္တိကောတိ အသဘာဂာယ ဝိသဒိသာယ ဇီဝိတဝုတ္တိယာ သမန္နာဂတော ။ အာဘိသမာစာရိကံ ဓမ္မန္တိ ဥတ္တမသမာစာရဘူတံ ဝတ္တဝသေန ပညတ္တသီလံ။ သေခံ ဓမ္မန္တိ သေခပဏ္ဏတ္တိသီလံ။ သီလာနီတိ စတ္တာရိ မဟာသီလာနိ။ သမ္မာဒိဋ္ဌိန္တိ ဝိပသ္သနာသမ္မာဒိဋ္ဌိံ။ သမ္မာသမာဓိန္တိ မဂ္ဂသမာဓိဉ္စေဝ ဖလသမာဓိဉ္စ။ ဣမသ္မိံ သုတ္တေ သီလာဒီနိ မိသ္သကာနိ ကထိတာနိ။
21. Tatiyassa paṭhame asabhāgavuttikoti asabhāgāya visadisāya jīvitavuttiyā samannāgato . Ābhisamācārikaṃ dhammanti uttamasamācārabhūtaṃ vattavasena paññattasīlaṃ. Sekhaṃ dhammanti sekhapaṇṇattisīlaṃ. Sīlānīti cattāri mahāsīlāni. Sammādiṭṭhinti vipassanāsammādiṭṭhiṃ. Sammāsamādhinti maggasamādhiñceva phalasamādhiñca. Imasmiṃ sutte sīlādīni missakāni kathitāni.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၁. ပဌမအဂာရဝသုတ္တံ • 1. Paṭhamaagāravasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၂. ပဌမအဂာရဝသုတ္တာဒိဝဏ္ဏနာ • 1-2. Paṭhamaagāravasuttādivaṇṇanā
