| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၄. ပဌမဒေဝပဒသုတ္တံ
4. Paṭhamadevapadasuttaṃ
၁၀၃၀. သာဝတ္ထိနိဒာနံ ။ စတ္တာရိမာနိ, ဘိက္ခဝေ, ဒေဝာနံ ဒေဝပဒာနိ အဝိသုဒ္ဓာနံ သတ္တာနံ ဝိသုဒ္ဓိယာ အပရိယောဒာတာနံ သတ္တာနံ ပရိယောဒပနာယ။
1030. Sāvatthinidānaṃ . Cattārimāni, bhikkhave, devānaṃ devapadāni avisuddhānaṃ sattānaṃ visuddhiyā apariyodātānaṃ sattānaṃ pariyodapanāya.
ကတမာနိ စတ္တာရိ? ဣဓ, ဘိက္ခဝေ, အရိယသာဝကော ဗုဒ္ဓေ အဝေစ္စပ္ပသာဒေန သမန္နာဂတော ဟောတိ – ဣတိပိ သော ဘဂဝာ။ပေ.။ သတ္ထာ ဒေဝမနုသ္သာနံ ဗုဒ္ဓော ဘဂဝာတိ။ ဣဒံ ပဌမံ ဒေဝာနံ ဒေဝပဒံ အဝိသုဒ္ဓာနံ သတ္တာနံ ဝိသုဒ္ဓိယာ အပရိယောဒာတာနံ သတ္တာနံ ပရိယောဒပနာယ။
Katamāni cattāri? Idha, bhikkhave, ariyasāvako buddhe aveccappasādena samannāgato hoti – itipi so bhagavā…pe… satthā devamanussānaṃ buddho bhagavāti. Idaṃ paṭhamaṃ devānaṃ devapadaṃ avisuddhānaṃ sattānaṃ visuddhiyā apariyodātānaṃ sattānaṃ pariyodapanāya.
‘‘ပုန စပရံ, ဘိက္ခဝေ, အရိယသာဝကော ဓမ္မေ။ပေ.။ သင္ဃေ။ပေ.။။
‘‘Puna caparaṃ, bhikkhave, ariyasāvako dhamme…pe… saṅghe…pe….
‘‘ပုန စပရံ, ဘိက္ခဝေ, အရိယသာဝကော အရိယကန္တေဟိ သီလေဟိ သမန္နာဂတော ဟောတိ အခဏ္ဍေဟိ။ပေ.။ သမာဓိသံဝတ္တနိကေဟိ။ ဣဒံ စတုတ္ထံ ဒေဝာနံ ဒေဝပဒံ အဝိသုဒ္ဓာနံ သတ္တာနံ ဝိသုဒ္ဓိယာ အပရိယောဒာတာနံ သတ္တာနံ ပရိယောဒပနာယ။ ဣမာနိ ခော, ဘိက္ခဝေ, စတ္တာရိ ဒေဝာနံ ဒေဝပဒာနိ အဝိသုဒ္ဓာနံ သတ္တာနံ ဝိသုဒ္ဓိယာ အပရိယောဒာတာနံ သတ္တာနံ ပရိယောဒပနာယာ’’တိ။ စတုတ္ထံ။
‘‘Puna caparaṃ, bhikkhave, ariyasāvako ariyakantehi sīlehi samannāgato hoti akhaṇḍehi…pe… samādhisaṃvattanikehi. Idaṃ catutthaṃ devānaṃ devapadaṃ avisuddhānaṃ sattānaṃ visuddhiyā apariyodātānaṃ sattānaṃ pariyodapanāya. Imāni kho, bhikkhave, cattāri devānaṃ devapadāni avisuddhānaṃ sattānaṃ visuddhiyā apariyodātānaṃ sattānaṃ pariyodapanāyā’’ti. Catutthaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၄. ပဌမဒေဝပဒသုတ္တဝဏ္ဏနာ • 4. Paṭhamadevapadasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၄. ပဌမဒေဝပဒသုတ္တဝဏ္ဏနာ • 4. Paṭhamadevapadasuttavaṇṇanā
