| Library / Tipiṭaka / තිපිටක • Tipiṭaka / ධම්‌මසඞ්‌ගණී-මූලටීකා • Dhammasaṅgaṇī-mūlaṭīkā |
පඨමමග්‌ගවීසතිමහානයවණ්‌ණනා
Paṭhamamaggavīsatimahānayavaṇṇanā
357. යස්‌ස පුබ්‌බභාගෙ ‘‘මග්‌ගං භාවෙමී’’ති අජ්‌ඣාසයො පවත්‌තො, සො මග්‌ගං භාවෙති. එවං සබ්‌බත්‌ථ අජ්‌ඣාසයවිසෙසෙන තංතංභාවනාවිසෙසො දට්‌ඨබ්‌බො.
357. Yassa pubbabhāge ‘‘maggaṃ bhāvemī’’ti ajjhāsayo pavatto, so maggaṃ bhāveti. Evaṃ sabbattha ajjhāsayavisesena taṃtaṃbhāvanāviseso daṭṭhabbo.
358. ඡන්‌දාධිපතෙය්‍යන්‌තිආදීසු එකචිත්‌තක්‌ඛණෙ වත්‌තමානෙසු ධම්‌මෙසු කථං ඡන්‌දස්‌ස තංසහජාතස්‌ස අධිපතිභාවො වීරියාදීනඤ්‌චාති? උපනිස්‌සයවසෙන. යස්‌ස හි සචෙ ඡන්‌දවතො කුසලං නිප්‌ඵජ්‌ජති, ‘‘අහං නිප්‌ඵාදෙස්‌සාමී’’ති පවත්‌තමානස්‌ස කුසලං නිප්‌ඵන්‌නං, තස්‌ස තංසහජාතො ඡන්‌දො තෙන පුරිමුපනිස්‌සයෙන විසිට්‌ඨො සහජාතධම්‌මෙ අත්‌තනො වසෙ වත්‌තෙති. තස්‌මිඤ්‌ච පවත්‌තමානෙ තෙ පවත්‌තන්‌ති, නිවත්‌තමානෙ නිවත්‌තන්‌ති, තදනුරූපබලා ච හොන්‌ති රාජපුරිසා වියාති. එවං වීරියාදීසු. සෙසධම්‌මානං පන කත්‌ථචි වුත්‌තප්‌පකාරප්‌පවත්‌තිසබ්‌භාවෙපි අතංසභාවත්‌තා අධිපතිභාවො නත්‌ථීති දට්‌ඨබ්‌බො.
358. Chandādhipateyyantiādīsu ekacittakkhaṇe vattamānesu dhammesu kathaṃ chandassa taṃsahajātassa adhipatibhāvo vīriyādīnañcāti? Upanissayavasena. Yassa hi sace chandavato kusalaṃ nipphajjati, ‘‘ahaṃ nipphādessāmī’’ti pavattamānassa kusalaṃ nipphannaṃ, tassa taṃsahajāto chando tena purimupanissayena visiṭṭho sahajātadhamme attano vase vatteti. Tasmiñca pavattamāne te pavattanti, nivattamāne nivattanti, tadanurūpabalā ca honti rājapurisā viyāti. Evaṃ vīriyādīsu. Sesadhammānaṃ pana katthaci vuttappakārappavattisabbhāvepi ataṃsabhāvattā adhipatibhāvo natthīti daṭṭhabbo.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / ධම්‌මසඞ්‌ගණීපාළි • Dhammasaṅgaṇīpāḷi / ලොකුත්‌තරකුසලං • Lokuttarakusalaṃ
අට්‌ඨකථා • Aṭṭhakathā / අභිධම්‌මපිටක (අට්‌ඨකථා) • Abhidhammapiṭaka (aṭṭhakathā) / ධම්‌මසඞ්‌ගණි-අට්‌ඨකථා • Dhammasaṅgaṇi-aṭṭhakathā / පඨමමග්‌ගවීසතිමහානයො • Paṭhamamaggavīsatimahānayo
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / ධම්‌මසඞ්‌ගණී-අනුටීකා • Dhammasaṅgaṇī-anuṭīkā / පඨමමග්‌ගවීසතිමහානයවණ්‌ණනා • Paṭhamamaggavīsatimahānayavaṇṇanā
