| Library / Tipiṭaka / තිපිටක • Tipiṭaka / විමතිවිනොදනී-ටීකා • Vimativinodanī-ṭīkā |
6. පාටිදෙසනීයකණ්‌ඩං
6. Pāṭidesanīyakaṇḍaṃ
1. පඨමපාටිදෙසනීයසික්‌ඛාපදවණ්‌ණනා
1. Paṭhamapāṭidesanīyasikkhāpadavaṇṇanā
553. පාටිදෙසනීයෙසු පඨමෙ පටිදෙසෙතබ්‌බාකාරදස්‌සනන්‌ති එවං ආපත්‌තිං නවකස්‌ස සන්‌තිකෙ දෙසෙතබ්‌බාකාරදස්‌සනං. ඉමිනා ලක්‌ඛණෙන සම්‌බහුලානං ආපත්‌තීනම්‌පි වුඩ්‌ඪස්‌ස සන්‌තිකෙ ච දෙසෙතබ්‌බාකාරො සක්‌කා විඤ්‌ඤාතුන්‌ති. තත්‍රායං නයො – ‘‘ගාරය්‌හෙ, ආවුසො, ධම්‌මෙ ආපජ්‌ජිං අසප්‌පායෙ පාටිදෙසනීයෙ’’ති එවං සම්‌බහුලාසු. වුඩ්‌ඪස්‌ස පන සන්‌තිකෙ ‘‘ගාරය්‌හං, භන්‌තෙ, ධම්‌මං…පෙ.… ගාරය්‌හෙ, භන්‌තෙ, ධම්‌මෙ’’ති යොජනා වෙදිතබ්‌බා. තත්‌ථ අසප්‌පායන්‌ති සග්‌ගමොක්‌ඛන්‌තරායකරන්‌ති අත්‌ථො. අඤ්‌ඤාතිකාය භික්‌ඛුනියා අන්‌තරඝරෙ ඨිතාය හත්‌ථතො සහත්‌ථා යාවකාලිකග්‌ගහණං, අජ්‌ඣොහරණන්‌ති ද්‌වෙ අඞ්‌ගානි.
553. Pāṭidesanīyesu paṭhame paṭidesetabbākāradassananti evaṃ āpattiṃ navakassa santike desetabbākāradassanaṃ. Iminā lakkhaṇena sambahulānaṃ āpattīnampi vuḍḍhassa santike ca desetabbākāro sakkā viññātunti. Tatrāyaṃ nayo – ‘‘gārayhe, āvuso, dhamme āpajjiṃ asappāye pāṭidesanīye’’ti evaṃ sambahulāsu. Vuḍḍhassa pana santike ‘‘gārayhaṃ, bhante, dhammaṃ…pe… gārayhe, bhante, dhamme’’ti yojanā veditabbā. Tattha asappāyanti saggamokkhantarāyakaranti attho. Aññātikāya bhikkhuniyā antaraghare ṭhitāya hatthato sahatthā yāvakālikaggahaṇaṃ, ajjhoharaṇanti dve aṅgāni.
පඨමපාටිදෙසනීයසික්‌ඛාපදවණ්‌ණනා නිට්‌ඨිතා.
Paṭhamapāṭidesanīyasikkhāpadavaṇṇanā niṭṭhitā.
558. දුතියෙ පරිපුණ්‌ණූපසම්‌පන්‌නාය අනනුඤ්‌ඤාතාකාරෙන වොසාසනා, අනිවාරෙත්‌වා භොජනජ්‌ඣොහාරොති ද්‌වෙ අඞ්‌ගානි.
558. Dutiye paripuṇṇūpasampannāya ananuññātākārena vosāsanā, anivāretvā bhojanajjhohāroti dve aṅgāni.
563. තතියෙ සෙක්‌ඛසම්‌මතතා, ඝරූපචාරෙ අනිමන්‌තිතතා, ගිලානස්‌ස අනිච්‌චභත්‌තාදිං ගහෙත්‌වා භුඤ්‌ජනන්‌ති තීණි අඞ්‌ගානි.
563. Tatiye sekkhasammatatā, gharūpacāre animantitatā, gilānassa aniccabhattādiṃ gahetvā bhuñjananti tīṇi aṅgāni.
570. චතුත්‌ථෙ සාසඞ්‌කාරඤ්‌ඤසෙනාසනතා, අනනුඤ්‌ඤාතං යාවකාලිකං අප්‌පටිසංවිදිතං අජ්‌ඣාරාමෙ පටිග්‌ගහෙත්‌වා අගිලානස්‌ස අජ්‌ඣොහරණන්‌ති ද්‌වෙ අඞ්‌ගානි. සෙසං උත්‌තානමෙව.
570. Catutthe sāsaṅkāraññasenāsanatā, ananuññātaṃ yāvakālikaṃ appaṭisaṃviditaṃ ajjhārāme paṭiggahetvā agilānassa ajjhoharaṇanti dve aṅgāni. Sesaṃ uttānameva.
පාටිදෙසනීයවණ්‌ණනානයො නිට්‌ඨිතො.
Pāṭidesanīyavaṇṇanānayo niṭṭhito.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවිභඞ්‌ග • Mahāvibhaṅga
1. පඨමපාටිදෙසනීයසික්‌ඛාපදං • 1. Paṭhamapāṭidesanīyasikkhāpadaṃ
2. දුතියපාටිදෙසනීයසික්‌ඛාපදං • 2. Dutiyapāṭidesanīyasikkhāpadaṃ
3. තතියපාටිදෙසනීයසික්‌ඛාපදං • 3. Tatiyapāṭidesanīyasikkhāpadaṃ
4. චතුත්‌ථපාටිදෙසනීයසික්‌ඛාපදං • 4. Catutthapāṭidesanīyasikkhāpadaṃ
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවිභඞ්‌ග-අට්‌ඨකථා • Mahāvibhaṅga-aṭṭhakathā
1. පඨමපාටිදෙසනීයසික්‌ඛාපදවණ්‌ණනා • 1. Paṭhamapāṭidesanīyasikkhāpadavaṇṇanā
2. දුතියපාටිදෙසනීයසික්‌ඛාපදවණ්‌ණනා • 2. Dutiyapāṭidesanīyasikkhāpadavaṇṇanā
4. චතුත්‌ථපාටිදෙසනීයසික්‌ඛාපදවණ්‌ණනා • 4. Catutthapāṭidesanīyasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / පාටිදෙසනීයසික්‌ඛාපදවණ්‌ණනා • Pāṭidesanīyasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā
1. පඨමපාටිදෙසනීයසික්‌ඛාපදවණ්‌ණනා • 1. Paṭhamapāṭidesanīyasikkhāpadavaṇṇanā
2. දුතියපාටිදෙසනීයසික්‌ඛාපදවණ්‌ණනා • 2. Dutiyapāṭidesanīyasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi
1. පඨමපාටිදෙසනීයසික්‌ඛාපද-අත්‌ථයොජනා • 1. Paṭhamapāṭidesanīyasikkhāpada-atthayojanā
2. දුතියපාටිදෙසනීයසික්‌ඛාපදං • 2. Dutiyapāṭidesanīyasikkhāpadaṃ
4. චතුත්‌ථපාටිදෙසනීයසික්‌ඛාපදං • 4. Catutthapāṭidesanīyasikkhāpadaṃ
