| Library / Tipiṭaka / තිපිටක • Tipiṭaka / භික්‌ඛුනීවිභඞ්‌ග-අට්‌ඨකථා • Bhikkhunīvibhaṅga-aṭṭhakathā |
6. ආරාමවග්‌ගො
6. Ārāmavaggo
1. පඨමසික්‌ඛාපදවණ්‌ණනා
1. Paṭhamasikkhāpadavaṇṇanā
1025. ආරාමවග්‌ගස්‌ස පඨමසික්‌ඛාපදෙ – පරික්‌ඛෙපං අතික්‌කාමෙන්‌තියා, උපචාරං ඔක්‌කමන්‌තියාති එත්‌ථ පඨමපාදෙ දුක්‌කටං, දුතියපාදෙ පාචිත්‌තියං.
1025. Ārāmavaggassa paṭhamasikkhāpade – parikkhepaṃ atikkāmentiyā, upacāraṃ okkamantiyāti ettha paṭhamapāde dukkaṭaṃ, dutiyapāde pācittiyaṃ.
1027. සීසානුලොකිකාති පඨමං පවිසන්‌තීනං භික්‌ඛුනීනං සීසං අනුලොකෙන්‌තී පවිසති, අනාපත්‌ති. යත්‌ථ භික්‌ඛුනියොති යත්‌ථ භික්‌ඛුනියො පඨමතරං පවිසිත්‌වා සජ්‌ඣායචෙතියවන්‌දනාදීනි කරොන්‌ති, තත්‌ථ තාසං සන්‌තිකං ගච්‌ඡාමීති ගන්‌තුං වට්‌ටති. ආපදාසූති කෙනචි උපද්‌දුතා හොති, එවරූපාසු ආපදාසු පවිසිතුං වට්‌ටති. සෙසං උත්‌තානමෙව.
1027.Sīsānulokikāti paṭhamaṃ pavisantīnaṃ bhikkhunīnaṃ sīsaṃ anulokentī pavisati, anāpatti. Yattha bhikkhuniyoti yattha bhikkhuniyo paṭhamataraṃ pavisitvā sajjhāyacetiyavandanādīni karonti, tattha tāsaṃ santikaṃ gacchāmīti gantuṃ vaṭṭati. Āpadāsūti kenaci upaddutā hoti, evarūpāsu āpadāsu pavisituṃ vaṭṭati. Sesaṃ uttānameva.
ධුරනික්‌ඛෙපසමුට්‌ඨානං – කිරියාකිරියං, සඤ්‌ඤාවිමොක්‌ඛං, සචිත්‌තකං, පණ්‌ණත්‌තිවජ්‌ජං, කායකම්‌මං, වචීකම්‌මං, තිචිත්‌තං, තිවෙදනන්‌ති.
Dhuranikkhepasamuṭṭhānaṃ – kiriyākiriyaṃ, saññāvimokkhaṃ, sacittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
පඨමසික්‌ඛාපදං.
Paṭhamasikkhāpadaṃ.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / භික්‌ඛුනීවිභඞ්‌ග • Bhikkhunīvibhaṅga / 1. පඨමසික්‌ඛාපදං • 1. Paṭhamasikkhāpadaṃ
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 1. පඨමාදිසික්‌ඛාපදවණ්‌ණනා • 1. Paṭhamādisikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 1. පඨමසික්‌ඛාපද-අත්‌ථයොජනා • 1. Paṭhamasikkhāpada-atthayojanā
