| Library / Tipiṭaka / තිපිටක • Tipiṭaka / අපදාන-අට්‌ඨකථා • Apadāna-aṭṭhakathā |
7. ඵලදායකත්‌ථෙරඅපදානවණ්‌ණනා
7. Phaladāyakattheraapadānavaṇṇanā
පබ්‌බතෙ හිමවන්‌තම්‌හීතිආදිකං ආයස්‌මතො ඵලදායකත්‌ථෙරස්‌ස අපදානං. අයම්‌පි පුරිමබුද්‌ධෙසු කතකුසලසම්‌භාරො තත්‌ථ තත්‌ථ භවෙ විවට්‌ටූපනිස්‌සයානි පුඤ්‌ඤානි උපචිනන්‌තො ඵුස්‌සස්‌ස භගවතො කාලෙ එකස්‌මිං කුලගෙහෙ නිබ්‌බත්‌තො සුඛප්‌පත්‌තො තං සබ්‌බං පහාය තාපසපබ්‌බජ්‌ජං පබ්‌බජිත්‌වා ඛරාජිනචම්‌මධාරී හුත්‌වා විහරති. තස්‌මිඤ්‌ච සමයෙ ඵුස්‌සං භගවන්‌තං තත්‌ථ සම්‌පත්‌තං දිස්‌වා පසන්‌නමානසො මධුරානි ඵලානි ගහෙත්‌වා භොජෙසි. සො තෙනෙව කුසලෙන දෙවලොකාදීසු පුඤ්‌ඤසම්‌පත්‌තියො අනුභවිත්‌වා ඉමස්‌මිං බුද්‌ධුප්‌පාදෙ එකස්‌මිං කුලගෙහෙ නිබ්‌බත්‌තො වුද්‌ධිමන්‌වාය සත්‌ථරි පසීදිත්‌වා පබ්‌බජිත්‌වා නචිරස්‌සෙව අරහා අහොසි.
Pabbate himavantamhītiādikaṃ āyasmato phaladāyakattherassa apadānaṃ. Ayampi purimabuddhesu katakusalasambhāro tattha tattha bhave vivaṭṭūpanissayāni puññāni upacinanto phussassa bhagavato kāle ekasmiṃ kulagehe nibbatto sukhappatto taṃ sabbaṃ pahāya tāpasapabbajjaṃ pabbajitvā kharājinacammadhārī hutvā viharati. Tasmiñca samaye phussaṃ bhagavantaṃ tattha sampattaṃ disvā pasannamānaso madhurāni phalāni gahetvā bhojesi. So teneva kusalena devalokādīsu puññasampattiyo anubhavitvā imasmiṃ buddhuppāde ekasmiṃ kulagehe nibbatto vuddhimanvāya satthari pasīditvā pabbajitvā nacirasseva arahā ahosi.
39. සො අපරභාගෙ අත්‌තනො පුබ්‌බකම්‌මං අනුස්‌සරිත්‌වා පුබ්‌බචරිතාපදානං පකාසෙන්‌තො පබ්‌බතෙ හිමවන්‌තම්‌හීතිආදිමාහ. තං සබ්‌බං හෙට්‌ඨා වුත්‌තනයත්‌තා උත්‌තානත්‌ථමෙවාති.
39. So aparabhāge attano pubbakammaṃ anussaritvā pubbacaritāpadānaṃ pakāsento pabbate himavantamhītiādimāha. Taṃ sabbaṃ heṭṭhā vuttanayattā uttānatthamevāti.
ඵලදායකත්‌ථෙරඅපදානවණ්‌ණනා සමත්‌තා.
Phaladāyakattheraapadānavaṇṇanā samattā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / ඛුද්‌දකනිකාය • Khuddakanikāya / අපදානපාළි • Apadānapāḷi / 7. ඵලදායකත්‌ථෙරඅපදානං • 7. Phaladāyakattheraapadānaṃ
