| Library / Tipiṭaka / තිපිටක • Tipiṭaka / පෙතවත්‌ථුපාළි • Petavatthupāḷi |
4. පිට්‌ඨධීතලිකපෙතවත්‌ථු
4. Piṭṭhadhītalikapetavatthu
10.
10.
‘‘යං කිඤ්‌චාරම්‌මණං කත්‌වා, දජ්‌ජා දානං අමච්‌ඡරී;
‘‘Yaṃ kiñcārammaṇaṃ katvā, dajjā dānaṃ amaccharī;
පුබ්‌බපෙතෙ ච ආරබ්‌භ, අථ වා වත්‌ථුදෙවතා.
Pubbapete ca ārabbha, atha vā vatthudevatā.
11.
11.
කුවෙරං ධතරට්‌ඨඤ්‌ච, විරූපක්‌ඛං විරූළ්‌හකං;
Kuveraṃ dhataraṭṭhañca, virūpakkhaṃ virūḷhakaṃ;
තෙ චෙව පූජිතා හොන්‌ති, දායකා ච අනිප්‌ඵලා.
Te ceva pūjitā honti, dāyakā ca anipphalā.
12.
12.
‘‘න හි රුණ්‌ණං වා සොකො වා, යා චඤ්‌ඤා පරිදෙවනා;
‘‘Na hi ruṇṇaṃ vā soko vā, yā caññā paridevanā;
න තං පෙතස්‌ස අත්‌ථාය, එවං තිට්‌ඨන්‌ති ඤාතයො.
Na taṃ petassa atthāya, evaṃ tiṭṭhanti ñātayo.
13.
13.
‘‘අයඤ්‌ච ඛො දක්‌ඛිණා දින්‌නා, සඞ්‌ඝම්‌හි සුප්‌පතිට්‌ඨිතා;
‘‘Ayañca kho dakkhiṇā dinnā, saṅghamhi suppatiṭṭhitā;
දීඝරත්‌තං හිතායස්‌ස, ඨානසො උපකප්‌පතී’’ති.
Dīgharattaṃ hitāyassa, ṭhānaso upakappatī’’ti.
පිට්‌ඨධීතලිකපෙතවත්‌ථු චතුත්‌ථං.
Piṭṭhadhītalikapetavatthu catutthaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / පෙතවත්‌ථු-අට්‌ඨකථා • Petavatthu-aṭṭhakathā / 4. පිට්‌ඨධීතලිකපෙතවත්‌ථුවණ්‌ණනා • 4. Piṭṭhadhītalikapetavatthuvaṇṇanā
