| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၃. သက္ကာယသုတ္တံ
3. Sakkāyasuttaṃ
၁၀၅. သာဝတ္ထိနိဒာနံ။ ‘‘သက္ကာယဉ္စ ဝော, ဘိက္ခဝေ, ဒေသေသ္သာမိ သက္ကာယသမုဒယဉ္စ သက္ကာယနိရောဓဉ္စ သက္ကာယနိရောဓဂာမိနိဉ္စ ပဋိပဒံ။ တံ သုဏာထ။ ကတမော စ, ဘိက္ခဝေ, သက္ကာယော? ပဉ္စုပာဒာနက္ခန္ဓာတိသ္သ ဝစနီယံ ။ ကတမေ ပဉ္စ? သေယ္ယထိဒံ – ရူပုပာဒာနက္ခန္ဓော, ဝေဒနုပာဒာနက္ခန္ဓော, သညုပာဒာနက္ခန္ဓော, သင္ခာရုပာဒာနက္ခန္ဓော, ဝိညာဏုပာဒာနက္ခန္ဓော။ အယံ ဝုစ္စတိ, ဘိက္ခဝေ, သက္ကာယော။ ကတမော စ, ဘိက္ခဝေ, သက္ကာယသမုဒယော? ယာယံ တဏ္ဟာ ပောနောဘဝိကာ။ပေ.။ ကာမတဏ္ဟာ, ဘဝတဏ္ဟာ, ဝိဘဝတဏ္ဟာ – အယံ ဝုစ္စတိ, ဘိက္ခဝေ, သက္ကာယသမုဒယော။ ကတမော စ, ဘိက္ခဝေ, သက္ကာယနိရောဓော? ယော တသ္သာယေဝ တဏ္ဟာယ။ပေ.။ အယံ ဝုစ္စတိ , ဘိက္ခဝေ, သက္ကာယနိရောဓော။ ကတမာ စ, ဘိက္ခဝေ, သက္ကာယနိရောဓဂာမိနီ ပဋိပဒာ? အယမေဝ အရိယော အဋ္ဌင္ဂိကော မဂ္ဂော။ သေယ္ယထိဒံ – သမ္မာဒိဋ္ဌိ။ပေ.။ သမ္မာသမာဓိ။ အယံ ဝုစ္စတိ, ဘိက္ခဝေ, သက္ကာယနိရောဓဂာမိနီ ပဋိပဒာ’’တိ။ တတိယံ။
105. Sāvatthinidānaṃ. ‘‘Sakkāyañca vo, bhikkhave, desessāmi sakkāyasamudayañca sakkāyanirodhañca sakkāyanirodhagāminiñca paṭipadaṃ. Taṃ suṇātha. Katamo ca, bhikkhave, sakkāyo? Pañcupādānakkhandhātissa vacanīyaṃ . Katame pañca? Seyyathidaṃ – rūpupādānakkhandho, vedanupādānakkhandho, saññupādānakkhandho, saṅkhārupādānakkhandho, viññāṇupādānakkhandho. Ayaṃ vuccati, bhikkhave, sakkāyo. Katamo ca, bhikkhave, sakkāyasamudayo? Yāyaṃ taṇhā ponobhavikā…pe… kāmataṇhā, bhavataṇhā, vibhavataṇhā – ayaṃ vuccati, bhikkhave, sakkāyasamudayo. Katamo ca, bhikkhave, sakkāyanirodho? Yo tassāyeva taṇhāya…pe… ayaṃ vuccati , bhikkhave, sakkāyanirodho. Katamā ca, bhikkhave, sakkāyanirodhagāminī paṭipadā? Ayameva ariyo aṭṭhaṅgiko maggo. Seyyathidaṃ – sammādiṭṭhi…pe… sammāsamādhi. Ayaṃ vuccati, bhikkhave, sakkāyanirodhagāminī paṭipadā’’ti. Tatiyaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၂-၃. ဒုက္ခသုတ္တာဒိဝဏ္ဏနာ • 2-3. Dukkhasuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၂-၃. ဒုက္ခသုတ္တာဒိဝဏ္ဏနာ • 2-3. Dukkhasuttādivaṇṇanā
