| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
3. සම්‌බරිමායාසුත්‌තවණ්‌ණනා
3. Sambarimāyāsuttavaṇṇanā
269. ආබාධිකොති ආබාධො අස්‌ස අත්‌ථීති ආබාධිකො. වාචෙසීති සික්‌ඛාපෙසි. සම්‌බරො නාම අසුරමායාය ආදිපුරිසො පුරාතනො අසුරින්‌දො. තං සන්‌ධායාහ ‘‘යථා සම්‌බරො’’තිආදි. එවං පච්‌චති අඤ්‌ඤොපි මායාවී මායං පයොජෙත්‌වා. උපවාදන්‌තරායො නාම ඛමාපනෙ සති විගච්‌ඡති, පාකතිකමෙව හොතීති ආහ ‘‘එවමස්‌ස ඵාසු භවෙය්‍යා’’ති. තෙනාති වෙපචිත්‌තිනා සම්‌බරවිජ්‌ජාය අදානෙන වඤ්‌චිතත්‌තා. තථා අකත්‌වාති ඉසීනං සන්‌තිකං නෙත්‌වා ඛමාපනවසෙන කාතබ්‌බං අකත්‌වා.
269.Ābādhikoti ābādho assa atthīti ābādhiko. Vācesīti sikkhāpesi. Sambaro nāma asuramāyāya ādipuriso purātano asurindo. Taṃ sandhāyāha ‘‘yathā sambaro’’tiādi. Evaṃ paccati aññopi māyāvī māyaṃ payojetvā. Upavādantarāyo nāma khamāpane sati vigacchati, pākatikameva hotīti āha ‘‘evamassa phāsubhaveyyā’’ti. Tenāti vepacittinā sambaravijjāya adānena vañcitattā. Tathā akatvāti isīnaṃ santikaṃ netvā khamāpanavasena kātabbaṃ akatvā.
සම්‌බරිමායාසුත්‌තවණ්‌ණනා නිට්‌ඨිතා.
Sambarimāyāsuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 3. සම්‌බරිමායාසුත්‌තං • 3. Sambarimāyāsuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 3. සම්‌බරිමායාසුත්‌තවණ්‌ණනා • 3. Sambarimāyāsuttavaṇṇanā
