| Library / Tipiṭaka / තිපිටක • Tipiṭaka / ථෙරීගාථාපාළි • Therīgāthāpāḷi |
3. සීහාථෙරීගාථා
3. Sīhātherīgāthā
77.
77.
‘‘අයොනිසො මනසිකාරා, කාමරාගෙන අට්‌ටිතා;
‘‘Ayoniso manasikārā, kāmarāgena aṭṭitā;
අහොසිං උද්‌ධතා පුබ්‌බෙ, චිත්‌තෙ අවසවත්‌තිනී.
Ahosiṃ uddhatā pubbe, citte avasavattinī.
78.
78.
‘‘පරියුට්‌ඨිතා ක්‌ලෙසෙහි, සුභසඤ්‌ඤානුවත්‌තිනී;
‘‘Pariyuṭṭhitā klesehi, subhasaññānuvattinī;
සමං චිත්‌තස්‌ස න ලභිං, රාගචිත්‌තවසානුගා.
Samaṃ cittassa na labhiṃ, rāgacittavasānugā.
79.
79.
‘‘කිසා පණ්‌ඩු විවණ්‌ණා ච, සත්‌ත වස්‌සානි චාරිහං;
‘‘Kisā paṇḍu vivaṇṇā ca, satta vassāni cārihaṃ;
නාහං දිවා වා රත්‌තිං වා, සුඛං වින්‌දිං සුදුක්‌ඛිතා.
Nāhaṃ divā vā rattiṃ vā, sukhaṃ vindiṃ sudukkhitā.
80.
80.
‘‘තතො රජ්‌ජුං ගහෙත්‌වාන, පාවිසිං වනමන්‌තරං;
‘‘Tato rajjuṃ gahetvāna, pāvisiṃ vanamantaraṃ;
වරං මෙ ඉධ උබ්‌බන්‌ධං, යඤ්‌ච හීනං පුනාචරෙ.
Varaṃ me idha ubbandhaṃ, yañca hīnaṃ punācare.
81.
81.
පක්‌ඛිපිං පාසං ගීවායං, අථ චිත්‌තං විමුච්‌චි මෙ’’ති.
Pakkhipiṃ pāsaṃ gīvāyaṃ, atha cittaṃ vimucci me’’ti.
… සීහා ථෙරී….
… Sīhā therī….
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / ථෙරීගාථා-අට්‌ඨකථා • Therīgāthā-aṭṭhakathā / 3. සීහාථෙරීගාථාවණ්‌ණනා • 3. Sīhātherīgāthāvaṇṇanā
