| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၅. တတိယသတ္တကသုတ္တံ
5. Tatiyasattakasuttaṃ
၂၅. ‘‘သတ္တ ဝော, ဘိက္ခဝေ, အပရိဟာနိယေ ဓမ္မေ ဒေသေသ္သာမိ။ တံ သုဏာထ, သာဓုကံ မနသိ ကရောထ။ပေ.။ ကတမေ စ, ဘိက္ခဝေ, သတ္တ အပရိဟာနိယာ ဓမ္မာ? ယာဝကီဝဉ္စ, ဘိက္ခဝေ, ဘိက္ခူ သဒ္ဓာ ဘဝိသ္သန္တိ; ဝုဒ္ဓိယေဝ, ဘိက္ခဝေ, ဘိက္ခူနံ ပာဋိကင္ခာ, နော ပရိဟာနိ။
25. ‘‘Satta vo, bhikkhave, aparihāniye dhamme desessāmi. Taṃ suṇātha, sādhukaṃ manasi karotha…pe… katame ca, bhikkhave, satta aparihāniyā dhammā? Yāvakīvañca, bhikkhave, bhikkhū saddhā bhavissanti; vuddhiyeva, bhikkhave, bhikkhūnaṃ pāṭikaṅkhā, no parihāni.
‘‘ယာဝကီဝဉ္စ , ဘိက္ခဝေ, ဘိက္ခူ ဟိရိမန္တော 1 ဘဝိသ္သန္တိ။ပေ.။ ဩတ္တပ္ပိနော 2 ဘဝိသ္သန္တိ။ ဗဟုသ္သုတာ ဘဝိသ္သန္တိ။ အာရဒ္ဓဝီရိယာ ဘဝိသ္သန္တိ။ သတိမန္တော ဘဝိသ္သန္တိ။ ပညဝန္တော ဘဝိသ္သန္တိ; ဝုဒ္ဓိယေဝ, ဘိက္ခဝေ, ဘိက္ခူနံ ပာဋိကင္ခာ, နော ပရိဟာနိ။ ‘‘ယာဝကီဝဉ္စ, ဘိက္ခဝေ, ဣမေ သတ္တ အပရိဟာနိယာ ဓမ္မာ ဘိက္ခူသု ဌသ္သန္တိ, ဣမေသု စ သတ္တသု အပရိဟာနိယေသု ဓမ္မေသု ဘိက္ခူ သန္ဒိသ္သိသ္သန္တိ; ဝုဒ္ဓိယေဝ, ဘိက္ခဝေ, ဘိက္ခူနံ ပာဋိကင္ခာ, နော ပရိဟာနီ’’တိ။ ပဉ္စမံ။
‘‘Yāvakīvañca , bhikkhave, bhikkhū hirimanto 3 bhavissanti…pe… ottappino 4 bhavissanti… bahussutā bhavissanti… āraddhavīriyā bhavissanti… satimanto bhavissanti… paññavanto bhavissanti; vuddhiyeva, bhikkhave, bhikkhūnaṃ pāṭikaṅkhā, no parihāni. ‘‘Yāvakīvañca, bhikkhave, ime satta aparihāniyā dhammā bhikkhūsu ṭhassanti, imesu ca sattasu aparihāniyesu dhammesu bhikkhū sandississanti; vuddhiyeva, bhikkhave, bhikkhūnaṃ pāṭikaṅkhā, no parihānī’’ti. Pañcamaṃ.
Footnotes:
Related texts:
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၄-၆. ဒုတိယသတ္တကသုတ္တာဒိဝဏ္ဏနာ • 4-6. Dutiyasattakasuttādivaṇṇanā
