| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၇. ဥပာဒာနိယသုတ္တံ
7. Upādāniyasuttaṃ
၁၁၀. ‘‘ဥပာဒာနိယေ စ, ဘိက္ခဝေ, ဓမ္မေ ဒေသေသ္သာမိ ဥပာဒာနဉ္စ။ တံ သုဏာထ။ ကတမေ စ, ဘိက္ခဝေ, ဥပာဒာနိယာ ဓမ္မာ, ကတမဉ္စ ဥပာဒာနံ ? စက္ခုံ, ဘိက္ခဝေ, ဥပာဒာနိယော ဓမ္မော။ ယော တတ္ထ ဆန္ဒရာဂော, တံ တတ္ထ ဥပာဒာနံ။ပေ.။ ဇိဝ္ဟာ ဥပာဒာနိယော ဓမ္မော။ပေ.။ မနော ဥပာဒာနိယော ဓမ္မော။ ယော တတ္ထ ဆန္ဒရာဂော, တံ တတ္ထ ဥပာဒာနံ။ ဣမေ ဝုစ္စန္တိ, ဘိက္ခဝေ, ဥပာဒာနိယာ ဓမ္မာ, ဣဒံ ဥပာဒာန’’န္တိ။ သတ္တမံ။
110. ‘‘Upādāniye ca, bhikkhave, dhamme desessāmi upādānañca. Taṃ suṇātha. Katame ca, bhikkhave, upādāniyā dhammā, katamañca upādānaṃ ? Cakkhuṃ, bhikkhave, upādāniyo dhammo. Yo tattha chandarāgo, taṃ tattha upādānaṃ…pe… jivhā upādāniyo dhammo…pe… mano upādāniyo dhammo. Yo tattha chandarāgo, taṃ tattha upādānaṃ. Ime vuccanti, bhikkhave, upādāniyā dhammā, idaṃ upādāna’’nti. Sattamaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၂-၁၀. ဥပာဒာယသုတ္တာဒိဝဏ္ဏနာ • 2-10. Upādāyasuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၂-၁၀. ဥပာဒာယသုတ္တာဒိဝဏ္ဏနာ • 2-10. Upādāyasuttādivaṇṇanā
