Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၇. ဥပ္ပာဒသုတ္တံ
7. Uppādasuttaṃ
၁၂၀. သာဝတ္ထိယံ ဝိဟရတိ။ပေ.။ ‘‘ယော, ဘိက္ခဝေ, ပထဝီဓာတုယာ ဥပ္ပာဒော ဌိတိ အဘိနိဗ္ဗတ္တိ ပာတုဘာဝော, ဒုက္ခသ္သေသော ဥပ္ပာဒော ရောဂာနံ ဌိတိ ဇရာမရဏသ္သ ပာတုဘာဝော။ ယော အာပောဓာတုယာ။ပေ.။ ယော တေဇောဓာတုယာ။ ယော ဝာယောဓာတုယာ ဥပ္ပာဒော ဌိတိ အဘိနိဗ္ဗတ္တိ ပာတုဘာဝော, ဒုက္ခသ္သေသော ဥပ္ပာဒော ရောဂာနံ ဌိတိ ဇရာမရဏသ္သ ပာတုဘာဝော’’။
120. Sāvatthiyaṃ viharati…pe… ‘‘yo, bhikkhave, pathavīdhātuyā uppādo ṭhiti abhinibbatti pātubhāvo, dukkhasseso uppādo rogānaṃ ṭhiti jarāmaraṇassa pātubhāvo. Yo āpodhātuyā…pe… yo tejodhātuyā… yo vāyodhātuyā uppādo ṭhiti abhinibbatti pātubhāvo, dukkhasseso uppādo rogānaṃ ṭhiti jarāmaraṇassa pātubhāvo’’.
‘‘ယော စ ခော, ဘိက္ခဝေ, ပထဝီဓာတုယာ နိရောဓော ဝူပသမော အတ္ထင္ဂမော, ဒုက္ခသ္သေသော နိရောဓော ရောဂာနံ ဝူပသမော ဇရာမရဏသ္သ အတ္ထင္ဂမော။ ယော အာပောဓာတုယာ။ပေ.။ ယော တေဇောဓာတုယာ။ ယော ဝာယောဓာတုယာ နိရောဓော ဝူပသမော အတ္ထင္ဂမော, ဒုက္ခသ္သေသော နိရောဓော ရောဂာနံ ဝူပသမော ဇရာမရဏသ္သ အတ္ထင္ဂမော’’တိ။ သတ္တမံ။
‘‘Yo ca kho, bhikkhave, pathavīdhātuyā nirodho vūpasamo atthaṅgamo, dukkhasseso nirodho rogānaṃ vūpasamo jarāmaraṇassa atthaṅgamo. Yo āpodhātuyā…pe… yo tejodhātuyā… yo vāyodhātuyā nirodho vūpasamo atthaṅgamo, dukkhasseso nirodho rogānaṃ vūpasamo jarāmaraṇassa atthaṅgamo’’ti. Sattamaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၆-၁၀. အဘိနန္ဒသုတ္တာဒိဝဏ္ဏနာ • 6-10. Abhinandasuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၆-၁၀. အဘိနန္ဒသုတ္တာဒိဝဏ္ဏနာ • 6-10. Abhinandasuttādivaṇṇanā