| Library / Tipiṭaka / තිපිටක • Tipiṭaka / සම්‌මොහවිනොදනී-අට්‌ඨකථා • Sammohavinodanī-aṭṭhakathā |
2. උප්‌පත්‌තානුප්‌පත්‌තිවාරවණ්‌ණනා
2. Uppattānuppattivāravaṇṇanā
991. දුතියවාරෙ යෙ ධම්‌මා කාමභවෙ කාමධාතුසම්‌භූතානඤ්‌ච සත්‌තානං උප්‌පජ්‌ජන්‌ති – කාමධාතුයං පරියාපන්‌නා වා අපරියාපන්‌නා වා – තෙ සබ්‌බෙ සඞ්‌ගහෙත්‌වා කාමධාතුයා පඤ්‌චක්‌ඛන්‌ධාතිආදි වුත්‌තං. රූපධාතුආදීසුපි එසෙව නයො. යස්‌මා පන රූපධාතුපරියාපන්‌නානං සත්‌තානං ඝානායතනාදීනං අභාවෙන ගන්‌ධායතනාදීනි ආයතනාදිකිච්‌චං න කරොන්‌ති, තස්‌මා රූපධාතුයා ඡ ආයතනානි, නව ධාතුයොතිආදි වුත්‌තං . යස්‌මා ච ඔකාසවසෙන වා සත්‌තුප්‌පත්‌තිවසෙන වා අපරියාපන්‌නධාතු නාම නත්‌ථි, තස්‌මා අපරියාපන්‌නධාතුයාති අවත්‌වා යං යං අපරියාපන්‌නං තං තදෙව දස්‌සෙතුං අපරියාපන්‌නෙ කති ඛන්‌ධාතිආදි වුත්‌තං.
991. Dutiyavāre ye dhammā kāmabhave kāmadhātusambhūtānañca sattānaṃ uppajjanti – kāmadhātuyaṃ pariyāpannā vā apariyāpannā vā – te sabbe saṅgahetvā kāmadhātuyā pañcakkhandhātiādi vuttaṃ. Rūpadhātuādīsupi eseva nayo. Yasmā pana rūpadhātupariyāpannānaṃ sattānaṃ ghānāyatanādīnaṃ abhāvena gandhāyatanādīni āyatanādikiccaṃ na karonti, tasmā rūpadhātuyā cha āyatanāni, nava dhātuyotiādi vuttaṃ . Yasmā ca okāsavasena vā sattuppattivasena vā apariyāpannadhātu nāma natthi, tasmā apariyāpannadhātuyāti avatvā yaṃ yaṃ apariyāpannaṃ taṃ tadeva dassetuṃ apariyāpanne kati khandhātiādi vuttaṃ.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / විභඞ්‌ගපාළි • Vibhaṅgapāḷi / 18. ධම්‌මහදයවිභඞ්‌ගො • 18. Dhammahadayavibhaṅgo
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / විභඞ්‌ග-මූලටීකා • Vibhaṅga-mūlaṭīkā / 18. ධම්‌මහදයවිභඞ්‌ගො • 18. Dhammahadayavibhaṅgo
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / විභඞ්‌ග-අනුටීකා • Vibhaṅga-anuṭīkā / 18. ධම්‌මහදයවිභඞ්‌ගො • 18. Dhammahadayavibhaṅgo
