| Library / Tipiṭaka / තිපිටක • Tipiṭaka / විමතිවිනොදනී-ටීකා • Vimativinodanī-ṭīkā |
7. විහාරකාරසික්‌ඛාපදවණ්‌ණනා
7. Vihārakārasikkhāpadavaṇṇanā
365. සත්‌තමෙ පූජාවචනප්‌පයොගෙ කත්‌තරි සාමිවචනස්‌සපි ඉච්‌ඡිතත්‌තා ‘‘ගාමස්‌ස වා පූජිත’’න්‌ති වුත්‌තං. රූපින්‌ද්‍රියෙසු විජ්‌ජමානං සන්‌ධාය එකින්‌ද්‍රියතා වුච්‌චතීති ආහ ‘‘කායින්‌ද්‍රියං සන්‌ධායා’’ති. තෙ හි මනින්‌ද්‍රියම්‌පි භූතගාමානං ඉච්‌ඡන්‌ති.
365. Sattame pūjāvacanappayoge kattari sāmivacanassapi icchitattā ‘‘gāmassa vā pūjita’’nti vuttaṃ. Rūpindriyesu vijjamānaṃ sandhāya ekindriyatā vuccatīti āha ‘‘kāyindriyaṃ sandhāyā’’ti. Te hi manindriyampi bhūtagāmānaṃ icchanti.
366. කිරියතො සමුට්‌ඨානාභාවොති වත්‌ථුනො අදෙසනාසඞ්‌ඛාතං අකිරියං විනා න කෙවලං කිරියාය සමුට්‌ඨානභාවො. කිරියාකිරියතො හි ඉදං සමුට්‌ඨාති. ඉමස්‌මිං සික්‌ඛාපදෙ භික්‌ඛූ වා අනභිනෙය්‍යාති එත්‌ථ වා-සද්‌දො සමුච්‌චයත්‌ථො, තෙන ‘‘මහල්‌ලකඤ්‌ච විහාරං කරෙය්‍ය, භික්‌ඛූ ච අනභිනෙය්‍යා’’ති කිරියඤ්‌ච අකිරියඤ්‌ච සමුච්‌චිනොති.
366.Kiriyato samuṭṭhānābhāvoti vatthuno adesanāsaṅkhātaṃ akiriyaṃ vinā na kevalaṃ kiriyāya samuṭṭhānabhāvo. Kiriyākiriyato hi idaṃ samuṭṭhāti. Imasmiṃ sikkhāpade bhikkhū vāanabhineyyāti ettha vā-saddo samuccayattho, tena ‘‘mahallakañca vihāraṃ kareyya, bhikkhū ca anabhineyyā’’ti kiriyañca akiriyañca samuccinoti.
විහාරකාරසික්‌ඛාපදවණ්‌ණනා නිට්‌ඨිතා.
Vihārakārasikkhāpadavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවිභඞ්‌ග • Mahāvibhaṅga / 7. විහාරකාරසික්‌ඛාපදං • 7. Vihārakārasikkhāpadaṃ
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවිභඞ්‌ග-අට්‌ඨකථා • Mahāvibhaṅga-aṭṭhakathā / 7. විහාරකාරසික්‌ඛාපදවණ්‌ණනා • 7. Vihārakārasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / 7. විහාරකාරසික්‌ඛාපදවණ්‌ණනා • 7. Vihārakārasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / 7. විහාරකාරසික්‌ඛාපදවණ්‌ණනා • 7. Vihārakārasikkhāpadavaṇṇanā
