Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၄. ဝိဇယာသုတ္တံ
4. Vijayāsuttaṃ
၁၆၅. သာဝတ္ထိနိဒာနံ။ အထ ခော ဝိဇယာ ဘိက္ခုနီ ပုဗ္ဗဏ္ဟသမယံ နိဝာသေတ္ဝာ။ပေ.။ အညတရသ္မိံ ရုက္ခမူလေ ဒိဝာဝိဟာရံ နိသီဒိ။ အထ ခော မာရော ပာပိမာ ဝိဇယာယ ဘိက္ခုနိယာ ဘယံ ဆမ္ဘိတတ္တံ လောမဟံသံ ဥပ္ပာဒေတုကာမော သမာဓိမ္ဟာ စာဝေတုကာမော ယေန ဝိဇယာ ဘိက္ခုနီ တေနုပသင္ကမိ; ဥပသင္ကမိတ္ဝာ ဝိဇယံ ဘိက္ခုနိံ ဂာထာယ အဇ္ဈဘာသိ –
165. Sāvatthinidānaṃ. Atha kho vijayā bhikkhunī pubbaṇhasamayaṃ nivāsetvā…pe… aññatarasmiṃ rukkhamūle divāvihāraṃ nisīdi. Atha kho māro pāpimā vijayāya bhikkhuniyā bhayaṃ chambhitattaṃ lomahaṃsaṃ uppādetukāmo samādhimhā cāvetukāmo yena vijayā bhikkhunī tenupasaṅkami; upasaṅkamitvā vijayaṃ bhikkhuniṃ gāthāya ajjhabhāsi –
‘‘ဒဟရာ တ္ဝံ ရူပဝတီ၊ အဟဉ္စ ဒဟရော သုသု။
‘‘Daharā tvaṃ rūpavatī, ahañca daharo susu;
အထ ခော ဝိဇယာယ ဘိက္ခုနိယာ ဧတဒဟောသိ – ‘‘ကော နု ခ္ဝာယံ မနုသ္သော ဝာ အမနုသ္သော ဝာ ဂာထံ ဘာသတီ’’တိ? အထ ခော ဝိဇယာယ ဘိက္ခုနိယာ ဧတဒဟောသိ – ‘‘မာရော ခော အယံ ပာပိမာ မမ ဘယံ ဆမ္ဘိတတ္တံ လောမဟံသံ ဥပ္ပာဒေတုကာမော သမာဓိမ္ဟာ စာဝေတုကာမော ဂာထံ ဘာသတီ’’တိ။ အထ ခော ဝိဇယာ ဘိက္ခုနီ ‘‘မာရော အယံ ပာပိမာ’’ ဣတိ ဝိဒိတ္ဝာ မာရံ ပာပိမန္တံ ဂာထာဟိ ပစ္စဘာသိ –
Atha kho vijayāya bhikkhuniyā etadahosi – ‘‘ko nu khvāyaṃ manusso vā amanusso vā gāthaṃ bhāsatī’’ti? Atha kho vijayāya bhikkhuniyā etadahosi – ‘‘māro kho ayaṃ pāpimā mama bhayaṃ chambhitattaṃ lomahaṃsaṃ uppādetukāmo samādhimhā cāvetukāmo gāthaṃ bhāsatī’’ti. Atha kho vijayā bhikkhunī ‘‘māro ayaṃ pāpimā’’ iti viditvā māraṃ pāpimantaṃ gāthāhi paccabhāsi –
‘‘ရူပာ သဒ္ဒာ ရသာ ဂန္ဓာ၊ ဖောဋ္ဌဗ္ဗာ စ မနောရမာ။
‘‘Rūpā saddā rasā gandhā, phoṭṭhabbā ca manoramā;
နိယ္ယာတယာမိ တုယ္ဟေဝ၊ မာရ နာဟံ တေနတ္ထိကာ။
Niyyātayāmi tuyheva, māra nāhaṃ tenatthikā.
‘‘ဣမိနာ ပူတိကာယေန၊ ဘိန္ဒနေန ပဘင္ဂုနာ။
‘‘Iminā pūtikāyena, bhindanena pabhaṅgunā;
အဋ္ဋီယာမိ ဟရာယာမိ၊ ကာမတဏ္ဟာ သမူဟတာ။
Aṭṭīyāmi harāyāmi, kāmataṇhā samūhatā.
ယာ စ သန္တာ သမာပတ္တိ၊ သဗ္ဗတ္ထ ဝိဟတော တမော’’တိ။
Yā ca santā samāpatti, sabbattha vihato tamo’’ti.
အထ ခော မာရော ပာပိမာ ‘‘ဇာနာတိ မံ ဝိဇယာ ဘိက္ခုနီ’’တိ ဒုက္ခီ ဒုမ္မနော တတ္ထေဝန္တရဓာယီတိ။
Atha kho māro pāpimā ‘‘jānāti maṃ vijayā bhikkhunī’’ti dukkhī dummano tatthevantaradhāyīti.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၄. ဝိဇယာသုတ္တဝဏ္ဏနာ • 4. Vijayāsuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၄. ဝိဇယာသုတ္တဝဏ္ဏနာ • 4. Vijayāsuttavaṇṇanā