| Library / Tipiṭaka / තිපිටක • Tipiṭaka / ථෙරීගාථාපාළි • Therīgāthāpāḷi |
8. විජයාථෙරීගාථා
8. Vijayātherīgāthā
169.
169.
‘‘චතුක්‌ඛත්‌තුං පඤ්‌චක්‌ඛත්‌තුං, විහාරා උපනික්‌ඛමිං;
‘‘Catukkhattuṃ pañcakkhattuṃ, vihārā upanikkhamiṃ;
අලද්‌ධා චෙතසො සන්‌තිං, චිත්‌තෙ අවසවත්‌තිනී.
Aladdhā cetaso santiṃ, citte avasavattinī.
170.
170.
‘‘භික්‌ඛුනිං උපසඞ්‌කම්‌ම, සක්‌කච්‌චං පරිපුච්‌ඡහං;
‘‘Bhikkhuniṃ upasaṅkamma, sakkaccaṃ paripucchahaṃ;
සා මෙ ධම්‌මමදෙසෙසි, ධාතුආයතනානි ච.
Sā me dhammamadesesi, dhātuāyatanāni ca.
171.
171.
‘‘චත්‌තාරි අරියසච්‌චානි, ඉන්‌ද්‍රියානි බලානි ච;
‘‘Cattāri ariyasaccāni, indriyāni balāni ca;
බොජ්‌ඣඞ්‌ගට්‌ඨඞ්‌ගිකං මග්‌ගං, උත්‌තමත්‌ථස්‌ස පත්‌තියා.
Bojjhaṅgaṭṭhaṅgikaṃ maggaṃ, uttamatthassa pattiyā.
172.
172.
‘‘තස්‌සාහං වචනං සුත්‌වා, කරොන්‌තී අනුසාසනිං;
‘‘Tassāhaṃ vacanaṃ sutvā, karontī anusāsaniṃ;
රත්‌තියා පුරිමෙ යාමෙ, පුබ්‌බජාතිමනුස්‌සරිං.
Rattiyā purime yāme, pubbajātimanussariṃ.
173.
173.
‘‘රත්‌තියා මජ්‌ඣිමෙ යාමෙ, දිබ්‌බචක්‌ඛුං විසොධයිං;
‘‘Rattiyā majjhime yāme, dibbacakkhuṃ visodhayiṃ;
රත්‌තියා පච්‌ඡිමෙ යාමෙ, තමොඛන්‌ධං පදාලයිං.
Rattiyā pacchime yāme, tamokhandhaṃ padālayiṃ.
174.
174.
‘‘පීතිසුඛෙන ච කායං, ඵරිත්‌වා විහරිං තදා;
‘‘Pītisukhena ca kāyaṃ, pharitvā vihariṃ tadā;
සත්‌තමියා පාදෙ පසාරෙසිං, තමොඛන්‌ධං පදාලියා’’ති.
Sattamiyā pāde pasāresiṃ, tamokhandhaṃ padāliyā’’ti.
… විජයා ථෙරී….
… Vijayā therī….
ඡක්‌කනිපාතො නිට්‌ඨිතො.
Chakkanipāto niṭṭhito.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / ථෙරීගාථා-අට්‌ඨකථා • Therīgāthā-aṭṭhakathā / 8. විජයාථෙරීගාථාවණ්‌ණනා • 8. Vijayātherīgāthāvaṇṇanā
