Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၃. ဝိညာဏသုတ္တံ
3. Viññāṇasuttaṃ
၁၉၀. သာဝတ္ထိယံ ဝိဟရတိ။ပေ.။ ‘‘တံ ကိံ မညသိ, ရာဟုလ, စက္ခုဝိညာဏံ နိစ္စံ ဝာ အနိစ္စံ ဝာ’’တိ? ‘‘အနိစ္စံ, ဘန္တေ’’။ပေ.။ ‘‘သောတဝိညာဏံ။ပေ.။ ဃာနဝိညာဏံ။ ဇိဝ္ဟာဝိညာဏံ။ ကာယဝိညာဏံ။ မနောဝိညာဏံ နိစ္စံ ဝာ အနိစ္စံ ဝာ’’တိ? ‘‘အနိစ္စံ, ဘန္တေ’’ ။ပေ.။ ‘‘ဧဝံ ပသ္သံ, ရာဟုလ, သုတဝာ အရိယသာဝကော စက္ခုဝိညာဏသ္မိမ္ပိ နိဗ္ဗိန္ဒတိ။ပေ.။ သောတဝိညာဏသ္မိမ္ပိ နိဗ္ဗိန္ဒတိ။ ဃာနဝိညာဏသ္မိမ္ပိ နိဗ္ဗိန္ဒတိ။ ဇိဝ္ဟာဝိညာဏသ္မိမ္ပိ နိဗ္ဗိန္ဒတိ။ ကာယဝိညာဏသ္မိမ္ပိ နိဗ္ဗိန္ဒတိ။ မနောဝိညာဏသ္မိမ္ပိ နိဗ္ဗိန္ဒတိ; နိဗ္ဗိန္ဒံ ဝိရဇ္ဇတိ။ပေ.။ ပဇာနာတီ’’တိ။ တတိယံ။
190. Sāvatthiyaṃ viharati…pe… ‘‘taṃ kiṃ maññasi, rāhula, cakkhuviññāṇaṃ niccaṃ vā aniccaṃ vā’’ti? ‘‘Aniccaṃ, bhante’’…pe… ‘‘sotaviññāṇaṃ…pe… ghānaviññāṇaṃ… jivhāviññāṇaṃ… kāyaviññāṇaṃ… manoviññāṇaṃ niccaṃ vā aniccaṃ vā’’ti? ‘‘Aniccaṃ, bhante’’ …pe… ‘‘evaṃ passaṃ, rāhula, sutavā ariyasāvako cakkhuviññāṇasmimpi nibbindati…pe… sotaviññāṇasmimpi nibbindati… ghānaviññāṇasmimpi nibbindati… jivhāviññāṇasmimpi nibbindati… kāyaviññāṇasmimpi nibbindati… manoviññāṇasmimpi nibbindati; nibbindaṃ virajjati…pe… pajānātī’’ti. Tatiyaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၁-၈. စက္ခုသုတ္တာဒိဝဏ္ဏနာ • 1-8. Cakkhusuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၁-၈. စက္ခုသုတ္တာဒိဝဏ္ဏနာ • 1-8. Cakkhusuttādivaṇṇanā