| Library / Literary Works |
Vittorio Alfieri
Sonet d’un astesan an difesa dl stil d’ soe tragedie
Son dur, lo seu, son dur, ma i parlo a gent
ch'ha l'anima tant mola e deslavà
ch'a l'é pa da stupì se 'd costa nià
i piaso apena ape-a a l'un per cent.
Tuti s'amparo 'l Metastasio a ment
e a n'han l'orie, 'l coeur e i'eui fodrà:
i Eroi ai veulo vede, ma castrà,
‘l tragic a lo veulo, ma impotent.
Pure i m’ dag nen pr vint fin ch'as decida
s'as dev troné sul palc o solfegiè,
strassè 'l coeur o gatiè marait l'orìa.
Già ch'ant cost mond l'un l'autr bsogna ch'as rida,
i’eu un me dubbiet ch'i veui ben ben rumiè:
s'l'é mi ch'son d’ fer, o i'italian d’ potìa.
POTRESTI ANCHE ESSERE INTERESSATO A
