| Library / Literary Works |
Arturo Zardini
La Roseane
'Ai cjatât 'ne biele frute,
bionde sane fate ben,
cu la cotule curtute,
bielis spalis, un biel sen
Cun rispièt j doi la man,
e j domandi là che stà
Jê mi dîs: Lui 'l è furlan!
Ancje jo soi sù di là
Da la Russie l'antenât
stabilît sot il Cjanin
il miò ben al è soldât:
'l è di Resie, 'l è un alpin
La bielezze de valade
i paîs pojâz sui plans
de mê vâl soi namorade:
soi di Resie, sin Furlans!
POTRESTI ANCHE ESSERE INTERESSATO A
