| Library / Tipiṭaka / තිපිටක • Tipiṭaka / උදානපාළි • Udānapāḷi |
9. ජටිලසුත්‌තං
9. Jaṭilasuttaṃ
9. එවං මෙ සුතං – එකං සමයං භගවා ගයායං විහරති ගයාසීසෙ. තෙන ඛො පන සමයෙන සම්‌බහුලා ජටිලා සීතාසු හෙමන්‌තිකාසු රත්‌තීසු අන්‌තරට්‌ඨකෙ හිමපාතසමයෙ ගයායං උම්‌මුජ්‌ජන්‌තිපි නිමුජ්‌ජන්‌තිපි, උම්‌මුජ්‌ජනිමුජ්‌ජම්‌පි කරොන්‌ති ඔසිඤ්‌චන්‌තිපි, අග්‌ගිම්‌පි ජුහන්‌ති – ‘‘ඉමිනා සුද්‌ධී’’ති.
9. Evaṃ me sutaṃ – ekaṃ samayaṃ bhagavā gayāyaṃ viharati gayāsīse. Tena kho pana samayena sambahulā jaṭilā sītāsu hemantikāsu rattīsu antaraṭṭhake himapātasamaye gayāyaṃ ummujjantipi nimujjantipi, ummujjanimujjampi karonti osiñcantipi, aggimpi juhanti – ‘‘iminā suddhī’’ti.
අද්‌දසා ඛො භගවා තෙ සම්‌බහුලෙ ජටිලෙ සීතාසු හෙමන්‌තිකාසු රත්‌තීසු අන්‌තරට්‌ඨකෙ හිමපාතසමයෙ ගයායං උම්‌මුජ්‌ජන්‌තෙපි නිමුජ්‌ජන්‌තෙපි උම්‌මුජ්‌ජනිමුජ්‌ජම්‌පි කරොන්‌තෙ 1 ඔසිඤ්‌චන්‌තෙපි අග්‌ගිම්‌පි ජුහන්‌තෙ – ‘‘ඉමිනා සුද්‌ධී’’ති.
Addasā kho bhagavā te sambahule jaṭile sītāsu hemantikāsu rattīsu antaraṭṭhake himapātasamaye gayāyaṃ ummujjantepi nimujjantepi ummujjanimujjampi karonte 2 osiñcantepi aggimpi juhante – ‘‘iminā suddhī’’ti.
අථ ඛො භගවා එතමත්‌ථං විදිත්‌වා තායං වෙලායං ඉමං උදානං උදානෙසි –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
යම්‌හි සච්‌චඤ්‌ච ධම්‌මො ච, සො සුචී සො ච බ්‍රාහ්‌මණො’’ති. නවමං;
Yamhi saccañca dhammo ca, so sucī so ca brāhmaṇo’’ti. navamaṃ;
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / උදාන-අට්‌ඨකථා • Udāna-aṭṭhakathā / 9. ජටිලසුත්‌තවණ්‌ණනා • 9. Jaṭilasuttavaṇṇanā
