| Library / Tipiṭaka / තිපිටක • Tipiṭaka / ඉතිවුත්‌තකපාළි • Itivuttakapāḷi |
3. තපනීයසුත්‌තං
3. Tapanīyasuttaṃ
30. වුත්‌තඤ්‌හෙතං භගවතා, වුත්‌තමරහතාති මෙ සුතං –
30. Vuttañhetaṃ bhagavatā, vuttamarahatāti me sutaṃ –
‘‘ද්‌වෙමෙ, භික්‌ඛවෙ, ධම්‌මා තපනීයා. කතමෙ ද්‌වෙ? ඉධ, භික්‌ඛවෙ, එකච්‌චො අකතකල්‍යාණො හොති, අකතකුසලො, අකතභීරුත්‌තාණො, කතපාපො, කතලුද්‌දො, කතකිබ්‌බිසො. සො ‘අකතං මෙ කල්‍යාණ’න්‌තිපි තප්‌පති, ‘කතං මෙ පාප’න්‌තිපි තප්‌පති. ඉමෙ ඛො, භික්‌ඛවෙ, ද්‌වෙ ධම්‌මා තපනීයා’’ති. එතමත්‌ථං භගවා අවොච. තත්‌ථෙතං ඉති වුච්‌චති –
‘‘Dveme, bhikkhave, dhammā tapanīyā. Katame dve? Idha, bhikkhave, ekacco akatakalyāṇo hoti, akatakusalo, akatabhīruttāṇo, katapāpo, kataluddo, katakibbiso. So ‘akataṃ me kalyāṇa’ntipi tappati, ‘kataṃ me pāpa’ntipi tappati. Ime kho, bhikkhave, dve dhammā tapanīyā’’ti. Etamatthaṃ bhagavā avoca. Tatthetaṃ iti vuccati –
‘‘කායදුච්‌චරිතං කත්‌වා, වචීදුච්‌චරිතානි ච;
‘‘Kāyaduccaritaṃ katvā, vacīduccaritāni ca;
මනොදුච්‌චරිතං කත්‌වා, යඤ්‌චඤ්‌ඤං දොසසඤ්‌හිතං.
Manoduccaritaṃ katvā, yañcaññaṃ dosasañhitaṃ.
‘‘අකත්‌වා කුසලං කම්‌මං, කත්‌වානාකුසලං බහුං;
‘‘Akatvā kusalaṃ kammaṃ, katvānākusalaṃ bahuṃ;
කායස්‌ස භෙදා දුප්‌පඤ්‌ඤො, නිරයං සොපපජ්‌ජතී’’ති 1.
Kāyassa bhedā duppañño, nirayaṃ sopapajjatī’’ti 2.
අයම්‌පි අත්‌ථො වුත්‌තො භගවතා, ඉති මෙ සුතන්‌ති. තතියං.
Ayampi attho vutto bhagavatā, iti me sutanti. Tatiyaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / ඉතිවුත්‌තක-අට්‌ඨකථා • Itivuttaka-aṭṭhakathā / 3. තපනීයසුත්‌තවණ්‌ණනා • 3. Tapanīyasuttavaṇṇanā
