| Library / Tipiṭaka / තිපිටක • Tipiṭaka / විමතිවිනොදනී-ටීකා • Vimativinodanī-ṭīkā |
3. උජ්‌ඣාපනකසික්‌ඛාපදවණ්‌ණනා
3. Ujjhāpanakasikkhāpadavaṇṇanā
103. තතියෙ චින්‌තායනත්‌ථස්‌ස ඣෙ-ධාතුස්‌ස අනෙකත්‌ථතාය ඔලොකනත්‌ථසම්‌භවතො වුත්‌තං ‘‘ඔලොකාපෙන්‌තී’’ති. ඡන්‌දායාති ලිඞ්‌ගවිපල්‌ලාසොති ආහ ‘‘ඡන්‌දෙනා’’ති.
103. Tatiye cintāyanatthassa jhe-dhātussa anekatthatāya olokanatthasambhavato vuttaṃ ‘‘olokāpentī’’ti. Chandāyāti liṅgavipallāsoti āha ‘‘chandenā’’ti.
105. භික්‌ඛුං ලාමකතො චින්‌තාපනත්‌ථං අඤ්‌ඤෙසං තං අවණ්‌ණකථනං උජ්‌ඣාපනං නාම. අඤ්‌ඤෙසං පන අවත්‌වා අඤ්‌ඤමඤ්‌ඤං සමුල්‌ලපනවසෙන භික්‌ඛුනො දොසප්‌පකාසනං ඛිය්‍යනං නාමාති අයමෙතෙසං භෙදො.
105. Bhikkhuṃ lāmakato cintāpanatthaṃ aññesaṃ taṃ avaṇṇakathanaṃ ujjhāpanaṃ nāma. Aññesaṃ pana avatvā aññamaññaṃ samullapanavasena bhikkhuno dosappakāsanaṃ khiyyanaṃ nāmāti ayametesaṃ bhedo.
106. අඤ්‌ඤං අනුපසම්‌පන්‌නං උජ්‌ඣාපෙතීති අඤ්‌ඤෙන අනුපසම්‌පන්‌නෙන උජ්‌ඣාපෙති. තස්‌ස වා තං සන්‌තිකෙති තස්‌ස අනුපසම්‌පන්‌නස්‌ස සන්‌තිකෙ තං සඞ්‌ඝෙන සම්‌මතං උපසම්‌පන්‌නං ඛිය්‍යති. ඉධාපි මුසාවාදෙන උජ්‌ඣාපනාදීනං සම්‌භවතො දුක්‌කටට්‌ඨානානි ච ආදිකම්‌මිකස්‌ස අනාපත්‌ති ච ඉමිනා එව සික්‌ඛාපදෙන වුත්‌තාති වෙදිතබ්‌බං සබ්‌බත්‌ථ මුසාවාදපාචිත්‌තියස්‌ස අනිවත්‌තිතො. ධම්‌මකම්‌මෙන සම්‌මතතා, උපසම්‌පන්‌නතා, අගතිගමනාභාවො, තස්‌ස අවණ්‌ණකාමතා, යස්‌ස සන්‌තිකෙ වදති. තස්‌ස උපසම්‌පන්‌නතා, උජ්‌ඣාපනං වා ඛිය්‍යනං වාති ඉමානෙත්‌ථ ඡ අඞ්‌ගානි.
106.Aññaṃ anupasampannaṃ ujjhāpetīti aññena anupasampannena ujjhāpeti. Tassa vā taṃ santiketi tassa anupasampannassa santike taṃ saṅghena sammataṃ upasampannaṃ khiyyati. Idhāpi musāvādena ujjhāpanādīnaṃ sambhavato dukkaṭaṭṭhānāni ca ādikammikassa anāpatti ca iminā eva sikkhāpadena vuttāti veditabbaṃ sabbattha musāvādapācittiyassa anivattito. Dhammakammena sammatatā, upasampannatā, agatigamanābhāvo, tassa avaṇṇakāmatā, yassa santike vadati. Tassa upasampannatā, ujjhāpanaṃ vā khiyyanaṃ vāti imānettha cha aṅgāni.
උජ්‌ඣාපනකසික්‌ඛාපදවණ්‌ණනා නිට්‌ඨිතා.
Ujjhāpanakasikkhāpadavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවිභඞ්‌ග • Mahāvibhaṅga / 2. භූතගාමවග්‌ගො • 2. Bhūtagāmavaggo
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවිභඞ්‌ග-අට්‌ඨකථා • Mahāvibhaṅga-aṭṭhakathā / 3. උජ්‌ඣාපනකසික්‌ඛාපදවණ්‌ණනා • 3. Ujjhāpanakasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / 3. උජ්‌ඣාපනකසික්‌ඛාපදවණ්‌ණනා • 3. Ujjhāpanakasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / 3. උජ්‌ඣාපනකසික්‌ඛාපදවණ්‌ණනා • 3. Ujjhāpanakasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 3. උජ්‌ඣාපනකසික්‌ඛාපදං • 3. Ujjhāpanakasikkhāpadaṃ
