Brahma Upanishad

oṃ śaunako ha vai mahāśālo'ṅgirasaṃ bhagavantaṃ
pippalādamapṛcchat । divye brahmapure sampratiṣṭitā
bhavanti kathaṃ sṛjanti kasyaiṣa mahimā babhūva yo
hmaṣe mahimā babhūva ka eṣaḥ ।
tasmai sa hovāca brahmavidyaṃ variṣṭhām । prāṇo hyeṣa
ātmā । ātmano mahimā babhuva devānāmāyuḥ sa devānāṃ
nidhanamanidhanaṃ divye brahmapure virajaṃ niṣkalaṃ
śubhramakṣaraṃ yadbrahma vibhāti sa niyacchati
maghukararājānaṃ mākṣikavaditi । yathā mākṣīkaikena
tantunā jālaṃ vakṣipati tenāpakarṣati tathaivaiṣa prāṇo
yadā yāti saṃsṛṣṭamākṛṣya । prāṇadevatāstāḥ sarvā
nāḍyaḥ । suṣvape śyenākāśavadyathā khaṃ śyenamāśritya
yāti svamālayamevaṃ suṣupto brūte yathaivaiṣa devadatto
yaṣṭyā'pi tāḍyamāno na yatyevamiṣṭāpūrtaiḥ
śubhāśubhairna lipyate । yathā kumāro niṣkāma
ānandamupayāti tathaivaiṣa devadattaḥ svapna ānandamabhiyāti ।
veda eva paraṃ jyotiḥ jyotiṣkāmo jyotirānandayate ।
bhūyastenaiva svapnāya gacchati jalaukāvat । yathā
jalaukā'gramagraṃ nayatyātmānaṃ nayati paraṃ saṃdhaya ।
yatparaṃ nāparaṃ tyajati sa jāgradabhidhiyate । yathaivaiṣa
kapālāṣṭakaṃ saṃnayati । tameva stana iva lambate
vedadevayonaḥ । yatra jāgrati śubhāśubhaṃ niruktamasya
devasya sa samprasāro'ntharyāmī khagaḥ karkaṭakaḥ puṣkaraḥ
puruṣaḥ grāṇo hiṃsā parāparaṃ brahma ātmā devatā vedayati ।
ya evaṃ veda sa paraṃ brahma dhaṃ kṣetrajñamupaiti ॥ 1॥

athāsya puruṣasya catvāri sthānāni bhavanti
nābhirhṛdayaṃ kaṇṭhaṃ bhūrdheti । tatra catuṣpādaṃ
brahma vibhāti । jāgaritaṃ svapnaṃ suṣuptaṃ turīyamiti ।
jāgarite brahmā svapne viṣṇuḥ suṣuptau rudrasturīyaṃ
paramākṣaraṃ ādityaśca viṣṇuśceśvaraśca sa puruṣaḥ
sa prāṇaḥ sa jīvaḥ so'gniḥ seśvaraśca jāgratteṣaṃ madhye
yatparaṃ brahma vibhāti । svayamamanaskamaśrotramapāṇipādaṃ
jyotirvarjitaṃ na tatra lokā na lokā vedā na vedā devā na
devā yajñā na yajña mātā na mātā pitā na pitā snuṣa na
snuṣa cāṇḍālo na cāṇḍālaḥ pailkaso na pailkasaḥ śramaṇo na
śramaṇaḥ paśavo na paśavastāpaso na tāpasa ityekameva
paraṃ brahma vibhāti । hṛdyākāśe tadvijñānamākāśaṃ
tatsuṣiramākāśaṃ tadvedyaṃ hṛdyākāśaṃ yasminnidaṃ
saṃcarati vacarati yasminnidaṃ sarvamotaṃ protaṃ । saṃ
vibhoḥ prajā jñāyeran । na tatra devā ṛṣayaḥ pitara riśate
pratibuddhaḥ sarvaviditi ॥ 2॥

hṛdisthā devatāḥ sarvā hṛdi prāṇāḥ pratiṣṭhitāḥ ।
hṛdi prāṇaśca jyotiśca trivṛtsūtraṃ ca yanmahat ॥

hṛdi caitanye tiṣṭhati yajñopavītaṃ paramaṃ pavitraṃ
prajāpateryatsahajaṃ purastāt ।
āyuṣyamagrapaṃ pratimuñca śubhraṃ yajñopavītaṃ balamastu tejaḥ ॥

saśikhaṃ vapanaṃ kṛtvā bahiḥsūtraṃ tyajedbudhaḥ ।
yadakṣaraṃ paraṃ brahma tatsūtramiti dhārayet ॥

sūcanātsūtramityāhuḥ sūtraṃ nāma paraṃ padam ।
tatsūtraṃ viditaṃ yena sa vipro vedapāragaḥ ॥

tena sarvamidaṃ protaṃ sūtre maṇigaṇā iva ।
tatsūtraṃ dhārayedyogī yogavittattvadarśivān ॥

bahiḥsūtraṃ tyajedvidvānyogamuttamamāsthitaḥ ।
brahmabhāvamayaṃ sūtraṃ dhārayedyaḥ sa cetanaḥ ॥

dhāraṇāttasya sūtrasya nocchiṣṭho nāśucirbhavet ।
sūtramantargataṃ yeṣāṃ jñānayajñopavītinām ॥

te cai sūtravido loke te ca yajñopavītinaḥ ।
jñānaśikhino jñānaniṣṭhā jñānayajñopavītihaḥ ॥

jñānameva paraṃ teṣāṃ pavitraṃ jñānamuttamam ।
agneriva śikhā nānyā yasya jñānamayī śikhā ॥

sa śikhītyucyate vidvānitare keśadhāriṇaḥ ॥ 3॥

karmaṇyadhikṛtā ye tu vaidike brāhmaṇādayaḥ ।
taiḥ saṃdhāryamida sūtraṃ kriyāṅgaṃ taddhi vai smṛtam ॥

śikhā jñānamayī yasya upavītaṃ ca tanmayam ।
brāhmaṇyaṃ sakalaṃ tasya iti brahmavido viduḥ ॥

idaṃ yajñopavītaṃ tu pavitraṃ yatparāyaṇam ।
sa vidvānyajñopavītī syātsa yajñaḥ sa ca yajñavit ॥

eko devaḥ sarvabhūteṣu gūḍhaḥ sarvavyāpī sarvabhūtāntarātmā ।
karmādhyakṣaḥ sarvabhūtādhivāsaḥ sākṣī cetā kevalo nirguṇaśca ॥

eko manīṣī niṣkiyāṇāṃ bahūnāmekaṃ santaṃ bahudhā yaḥ karoti ।
tamātmānaṃ ye'nupaṣyanti dhīrāsteṣaṃ śāntiḥ śāśvatī netareṣām ॥

ātmānamaraṇiṃ kṛtvā praṇavaṃ cottarāraṇim ।
dhyānanormathanābhyāsāddevaṃ paśyennigūḍhavat ॥

tileṣu tailaṃ dadhinīva sarpirāpaḥ strotaḥsvaraṇīṣu cānniḥ ।
evamātmā''tmani gṛhmate'sau satyenainaṃ tapasā yo'nupaśyati ॥

ūrṇanābhiryathā tantūnsṛjate saṃharatyapi ।
jāgratsvapne tathā jīvo gacchatyāgacchate punaḥ ॥

padmakośapratīkāśaṃ suṣiraṃ cāpyadhomukham ।
hṛdayaṃ tadvijānīyādviśvasyā''yatanaṃ mahat ॥

netrasthaṃ jāgrataṃ vidyātkaṇṭhe svapnaṃ vinirdiṣet ।
suṣuptaṃ hṛdayasthaṃ tu turīyaṃ mūrdhni saṃsthitam ॥

yadātmā prajñayā''tmānaṃ saṃdhatte paramātmani ।
tena saṃdhyā dhyānameva tasmātsandhyābhivandanam ॥

nirodakādhyānasaṃdhyā vākkāyakleśavarjitā ।
saṃdhinī sarvabhūtānāṃ sā saṃdhyā hyekadaṇḍinām ॥

yato vāco nivartante aprāpya manasā saha ।
ānnandametajjīvasya yaṃ jñātvā mucyate budhaḥ ॥

sarvavyāpinamātmānaṃ kṣīre sarprivārpitam ।
ātmātapomūlaṃ tadbrahmopaniṣatparam ।
sarvātmaikatvarīpeṇa tadbrahmopaniṣatparamiti ॥ 4॥

ityatharvavede brahmopaniṣatsamāptā ॥